“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Ndihem e kërcënuar nga Koronavirusi. Si të fle mirë?
Përgjigjet mjeku i përgjithshëm: Gjumi është një ndër elementët më të rëndësishëm për shëndetin tonë dhe të gjithë e duam. Megjithatë, si mundet dikush të flejë sot kur është ndihet i kërcënuar nga Koronavirusi? Ne supozohet të flemë 7 deri në 10 orë gjumë çdo natë, në varësi të moshës, por zakonisht kjo nuk zbatohet. “Problemet e gjumit përbëjnë një epidemi globale që kërcënon shëndetin dhe cilësinë e jetës për 45% të popullsisë së botës,”- sipas World Sleep Society, një organizatë jofitimprurëse e profesionistëve të gjumit, e dedikuar në avancimin e “shëndetit të gjumit në të gjithë botën”.
Vendet e punës dhe shkollat janë mbyllur, që do të thotë se shumë punonjës nuk paguhen nëse nuk punojnë dhe fëmijët nuk ushqehen. Problemet nuk kanë fund. Kujtojmë edhe shqetësimet për zgjedhjet elektorale, ngrohjen globale apo përshkallëzimin e luftërave për kufirin. Ka shumë gjëra që mund të na vijnë në kokë, por pagjumësia nuk është zgjidhje. Gjumi i pakët çon në shtimin e peshës, mosfunksionim e sistemt imunitar, presion të lartë të gjakut, sëmundje kardiovaskulare, goditje në tru, ankth dhe çrregullime të tjera.
Ekspertët e gjumit nga Shoqata Botërore e Gjumit na japin disa këshilla: 1. Përcaktoni një orar të rregullt kur flini dhe kur zgjoheni. Çrregullimi i orarit të gjumit apo zgjimit mund të shkaktojë hipertension, diabet dhe rrit rrezikun për një atak në zemër. Sa më shumë ditë të flini në mënyrë të parregullt, aq më i lartë është rreziku, zbuloi një studim.
2. Bëni kujdes me gjumin pas drekës. “Nëse flini pas drekës, mos kaloni 45 minuta gjumë gjatë gjithë ditës.”- paralajmëron Shoqata Botërore e Gjumit. Arsyeja është se ne futemi në një cikël “gjumi të thellë” për 30 deri në 40 minuta. Pasi zgjohemi, ne jemi të hutuar. Nëse flini më shumë se kaq, do ta keni të vështirë të flini gjatë natës. Gjumi prej 15- 20 minuta është i bukur dhe mund të zvogëlojë lodhjen, të rrisë kreativitetin dhe të përmirësojë gjendjen shpirtërore.
3. Mos konsumoni cigare ose alkool. Shmangni pijen e tepërt të tyre 4 orë para gjumit. Ato ju shkaktojnë vështirësi në lëvizjen e syrit dhe mund të ndiheni pa energji. Shmangni kafeinën 6 orë përpara gjumit. Çokollata e nxehtë, soda apo edhe çaji duhet evituar po ashtu. Çokollatë e nxehtë mund të përmbajë 25 miligramë kafeinë, ndërsa një filxhan çaj jeshil ose i zi ka 50 miligramë kafeinë.
4. Shmangni ngrënien e ushqimeve të caktuara. Shmangni ushqimet e rënda, pikante ose me sheqer 4 orë para gjumit. Ushqimet e rënda dhe pikante mund t’ju japin djegie nga uji, duke ndikuar kështu në aftësinë tuaj për të fjetur. Sa i përket sheqerit, studimet tregojnë se shqetëson hormonet që lidhen me dëshirat.
5. Stërvituni rregullisht, por jo para gjumit. Shumë ekspertë rekomandojnë ta shmangni atë, sepse stërvitja sinjalizon trupin se është koha për t’u zgjuar. Megjithatë, ju mund të bëni yoga para gjumit, sepse mund t’ju relaksojë.
6. Përmirëso dhomën e gjumit. Së pari, mbajeni dhomën tuaj të gjumit të ajrosur mirë dhe zgjidhni një temperaturë të përshtatshme për të fjetur. Këshillohet temperature 15- 20°C. Përshtateni ambientin sipas preferencave tuaja.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“Kina është ende Kinë, ekonomia ende ekonomi”
“Koha për t’u përgatitur jo për panik”
“Jemi mirë, ndodhemi në izolim për të mos përhapur virusin”
