Më 7 prill të martën në orën 09:00, Gjykata e Posaçme kundër krimit dhe korrupsionit do të shqyrtojë dosjen ‘’Mezhgoran’’ ku i dyshuar për një sërë veprash penale përfshi dhe ndikimin tek sistemi gjyqësor është edhe biznesmeni dhe botuesi i njohur Henri Çili.
Ndaj Çilit është në fuqi masa e sigurisë liri me kusht për t’u paraqitur pranë oficerëve të policisë gjyqësore ndërsa ai dhe avokatët mbrojtës kanë kërkuar heqjen e çdo mase. Vetë Çili në një konferencë për mediat pas lirimit mohoi akuzat dhe deklaroi se ishte viktimë e një sistemi drejtësie të pa kaluar në filtrin e vettingut.
Pronari i UET-së Çili u prangos në shkurt pasi sipas prokurorisë së Përmetit së bashku me persona të tjerë u përfshi në afera korruptive duke marrë para në këmbim të lirive që do të sillte për të arrestuar përfshi dhe vëllezërit Aliko nga Lazarati, dënuar për vrasjen e policit të RENEA-s Ibrahim Basha.
VAZHDO TË LEXOSH MË TEPËR PËR TEMËN
“Akuzat të manipuluara”, Henri Çili flet për herë të parë pas arrestimit
Arrestohet botuesi dhe analisti Henri Çili
Henri Çili para gjykatës: Më arrestuat pa prova
