Për tre vjet, ishim me fat. Ne ia dolëm gjatë mandatit të presidentit Trump pa u përballur me një krizë që kërkonte udhëheqjen e vërtetë të presidentit. Tani, fati ynë ka marrë fund.
Është e vështirë të mbivlerësohet sfida që Covid-19 i paraqet kombit dhe botës.
Dhe këtë herë Trump dështoi.
Ekzistojnë shumë gjëra që i duhen vendit tani: më shumë ndihmë financiare për dhjetëra miliona të papunë; më shumë mbështetje për bizneset e vogla në prag të dështimit; udhëzime më konsistente për të mbijetuar.
Por ekziston një nevojë që tejkalon të gjithë pjesën tjetër, sepse plotësimi i saj mund të ndryshojë gjithçka dhe të na vendosë në rrugën e rimëkëmbjes: testim të shpejtë, të besueshëm, universal që mund të na tregojë se kush është infektuar nga koronavirusi dhe kush jo.
Trump duhet të përdorë fuqitë e tij në bazë të Aktit të Prodhimit të Mbrojtjes për të mandatuar prodhimin e mjaftueshëm të testeve dhe ndërtimin e kapaciteteve të mjaftueshme laboratorike për të përpunuar të gjitha ato teste menjëherë, për të bërë të mundur që çdo amerikan të testohet në mënyrë periodike.
Kjo do të përfshijë domosdoshmërisht ndihmimin e pajisjeve të nevojshme për shumë vende të tjera, veçanërisht Kinën.
Vetëm qeveria federale ka aftësinë të hartojë dhe mbikëqyrë një program të tillë. Dhe duket se Trump nuk pranon të bëjë punën e tij.
Kjo është pikërisht ajo që duhet të bëjë qeveria federale. Por është një detyrë, që kërkon udhëheqje të qëndrueshme, të cilën Trump as nuk do të përpiqet ta sigurojë.
Ajo që ai na jep në vend të kësaj është “The Trump Show”, një farsë e përditshme televizive në të cilën ai përpiqet të mbajë gjallë shpresat e rizgjedhjes së tij duke shmangur përgjegjësitë dhe duke u përpjekur të ndryshojë temën.
Guvernatorët u është dashur të mbushin vakumin. Guvernatori Andrew M. Cuomo (D) i Nju Jorkut, shteti i të cilit është epiqendra e infeksionit në këtë vend, ka shfaqur udhëheqje të qëndrueshme dhe vazhdon të japë njoftime të domosdoshme. Govs. Jay Inslee nga Uashington dhe Gavin Newsom nga Kalifornia, të dy demokratë, reaguan ndaj covid-19 me urdhra të parakohshëm të qëndrimit në shtëpi.
Kompanitë private do të luajnë një rol gjithashtu. Shefi ekzekutiv i Amazon, Jeff Bezos (i cili gjithashtu zotëron edhe The Post) tha të enjten se shpreson që së shpejti të fillojë testimin e rregullt të të gjithë punonjësve të Amazon. Punëdhënësit e tjerë të mëdhenj ka të ngjarë të ndjekin shembullin e tij. Por ky do të jetë vetëm fillimi.
Deri më tani, vetëm rreth 3.3 milion amerikanë janë testuar, nga një popullsi prej 328 milion.
Ndërkohë, Trump raportohet se është akoma i fiksuar me fantazinë e rrezikshme të rihapjes së vendit për dy javë.
Ne do ta fitojmë këtë luftë sepse duhet. Por fitorja nuk do të vijë për shkak të Trump.
Eugene Robinson shkruan një kolonë dy herë në javë për politikën dhe kulturën. Në një karrierë tre-dekadëshe në The Washington Post, Robinson ka qenë reporter i bashkisë së qytetit, redaktor i qytetit, korrespodent i huaj në Buenos Aires dhe Londër, etj.
Përkthyer dhe përshtatur nga The Washington Post/ konica.al
VAZHDO TË LEXOSH MË TEPËR PËR TEMËN
“Romancën” Trump-Xi nuk e shkatërroi as koronavirusi…
“Kurba e koronavirusit po fillon të sheshohet”, reagon Trump
“Pandemia më e rrezikshme!” Ja çfarë do të ndodhë me Covid-19!
