Burimet e mundshme “të padukshme” të infektimit te asimptomatikët janë një nga pikat më pak të qarta të emergjencës Covid-19 që ka përfshirë gjithë botën. Vlerësimi i tyre është pothuajse i pamundur, por disa ekspertë kanë bërë supozime.
Një ekip shkencëtarësh australianë analizuan disa studime të kryera në Itali, Kinë dhe SHBA me qëllim zbulimin e shkallës së asimptomatikëve të prekur nga koronavirusi dhe mundësinë e transmetimit të sëmundjes nga ana e të këtyre njerëzve, të prekur nga Sars-CoV-2, edhe pa patur simptoma te sëmundjes.
Sipas AdnKronos, studiuesit nga Universiteti Bond, Universiteti i Sidney dhe Universiteti i Uellsit të Ri Jugor përzgjedhën 571 artikuj përfshirë edhe 5 studime nga tre vendet e sipërpërmendura të cilt kishin përfshirë në studimet e tyre 9.224 të sëmurë rëndë nga koronavirusi, 413 persona pozitive dhe 65 asimptomatikë.
Ekipi vëzhgoi që përqindja e këtyre rasteve (total asimptomatik) varionte nga 6 në 41%. Sipas studimit mesatarja e përqindjes së asimptomatikëve ishte 16 %.
Studimi gjithashtu analizoi shkallën e infektimit të këtyre asimptomatikëve, që rezultoi se shkalla e infektimit nga ana e tyre ishte realtivisht e ulët.
Por studime të mëparshme nuk kanë arritur në të njëjtat konkluzione. Një studim i mëparshëm kishte arritur në përfundimin se numri i asimptomatikëve është shumë i lartë. Në fund të muajit mars, Luca Foresti, nga qendra mjekësore Santagostino, kishte pohuar se numri i personave të infektuar në Itali ishte të paktën 11 milion e 200 mijë.
Njohja e numrave real të këtyre pacientëve “të padukshëm”, thonë shkencëtarët, “është thelbësore për politikë-bërësit por edhe se duhen studime të tjera për të gjëtur mesatarisht se sa është numri i përgjithshëm i asimptomatikëve.
VAZHDO TË LEXOSH MË TEPËR PËR TEMËN
“Koronavirusi mund të mbijetojë në ajër në disa ambiente”
“Koronavirusin e prodhoi Kina”, pretendimet e nobelistit japonez janë të pavërteta!
“Po bëhen studime të rrezikshme në laboratorin e Wuhanit”
