Ndërsa Covid-19 ende mbizotëron axhendën e qeverisë së Britanisë, telashet po shfaqen edhe diku tjetër: Një revoltë brenda Partisë Konservatore në pushtet po ndryshon marrëdhëniet e vendit me Kinën.
Kërcënimi për gjysmë-autonominë e Hong Kongut, ish-kolonia e Britanisë, i ka dhënë një goditje tjetër një marrëdhënie tashmë të përkeqësuara me Pekinin.
“Epoka e artë” e marrëdhënieve midis Britanisë dhe Kinës, që shtrihet nga ditët e Margaret Thatcher deri në kryeministrinë e David Cameron, po vlerësohet si një “gabim i artë”.
Qëndrimi gjithnjë e më agresiv i Pekinit do të thotë se kjo është e pashmangshme, por kjo nuk e bën situatën më të lehtë për kryeministrin Boris Johnson. Gjetja e një pozicioni të besueshëm mbi marrëdhëniet Sino-Britanike do të jetë një provë serioze për rezultatet e tij të politikës së jashtme.
Programi i brendshëm i Johnson do të preket gjithashtu. Ai tha këtë javë se nëse Kina imponon ligjin e saj të ri të sigurisë kombëtare në territor, Britania do të lejojë të gjithë qytetarët nga Hong-Kongu me pasaporta britanike jashtë shtetit të aplikojnë për të ardhur në Mbretërinë e Bashkuar për të paktën një vit.
Por kjo ngatërrohet me retorikën e Johnson gjatë fushatës Brexit, kur ai i premtoi votuesve se ai do të “merrte kontrollin” e imigracionit britanik.
Kryeministri nuk ka zgjidhje tjetër përveçse të ndryshojë qëndrim për Pekinin.
Të djathtët e shohin Pekinin si rivalin kryesor të Perëndimit sot.
Ligji i propozuar i Pekinit në Hong-Kong dhe pretendimet për një fshehje të Covid-19 në Wuhan, kanë ndryshuar llogaritjet politike të Britanisë. Gjërat po shkonin në një drejtim më të çuditshëm përpara koronavirusit.
E gjitha kjo sjell më shumë vështirësi për Johnson.
Sfida më e vështirë është të bëjmë që Pekini të ushtrojë më pak ndikim ndaj Hong Kong-ut pa sakrifikuar interesat ekonomike.
Johnson pranon se ndryshimi i tij në të drejtat e vizave do të ishte ndryshimi më i madh i Britanisë për imigracionin kohët e fundit.
Por ai do të argumentojë se të paktën Britania po vepron në mënyrë të pavarur për të zgjedhur se cilët migrantë i pranon në vend.
Përkthyer dhe përshtatur nga Bloomberg/ konica.al
VAZHDO TË LEXOSH MË TEPËR PËR TEMËN
A e ka Kina në dorë Evropën?
3 mësime nga protestat në Hong-Kong
3 skenarë të mundshëm për të ardhmen e Hong-Kong-ut
