Analistët flasin shpesh për epokën “post-amerikane” në Lindjen e Mesme, por forcat amerikane mbeten, në numër të zvogëluar, në Afganistan, Irak dhe Siri, dhe nuk ka asnjë shenjë që ata po kthehen në shtëpi, siç kishte shpresuar Presidenti Trump.
Qëndrueshmëria e pranisë amerikane në rajon është një plus, pasi shmang paqëndrueshmërinë dhe kontrollon kundërshtarët e SHBA atje.
Por për Trump, i cili bëri fushatë në 2016 në tërheqjen e trupave amerikane, është padyshim zhgënjyese.
Siç ka zbuluar Trump, ushtria amerikane ka aq peshë dhe vrull të tillë sa që as pandemia nuk e ndalon.
“Edhe në këtë kohë, ne mbetemi një partner i qëndrueshëm,” argumentoi Gjenerali Kenneth “Frank” McKenzie Jr., kreu i Komandës Qendrore, në një intervistë telefonike të enjten nga baza ajrore Al Udeid në Katar. McKenzie sapo kishte përfunduar një turne në 10 vende në rajonin që mbikëqyr.
/arc-anglerfish-arc2-prod-mco.s3.amazonaws.com/public/BVIPI2KIGNEELJH637F2HXDDHI.jpg)
McKenzie tha që Pentagon planifikon të zvogëlojë numrin e trupave amerikane në Afganistan, Irak dhe Siri, por do të vazhdojë mbështetjen amerikane për forcat lokale atje.
Komandanti i Centcom vizitoi Afganistanin të martën për të diskutuar statusin e forcave amerikane atje. Një zyrtar tjetër më tha që Pentagoni po mendon tërheqjen e 4,000 trupave të tjera.
McKenzie tha se ai po vazhdon të hetojë raportet e inteligjencës që Rusia u ofroi dhurata luftëtarëve talebanë për të vrarë trupat e koalicionit. “Unë mbetem i shqetësuar për këtë,” tha ai.
Trump e ka quajtur pretendimin për dhuratat ruse një “mashtrim”, por komentet e McKenzie e bënë të qartë se për Pentagonin kjo mbetet një pyetje pa përgjigje.
Iraku dhe Siria janë ndër vendet e tjera ku Trump ka bërë presion për të tërhequr trupat.
Por në të dy rastet, misioni amerikan i stabilizimit dhe mbështetjes vazhdon, megjithëse në numër më të ulët.
Edhe në Siri, prania e Amerikës vazhdon. Një arsyetim për mbajtjen e forcave amerikane në rajon është frenimi i Iranit.
Një arsye pse është e vështirë për Shtetet e Bashkuara të lënë këtë rajon është se gjithmonë ekziston një krizë e re.
Kjo mund të ndodhë përsëri me sulmet e fundit në Natanz dhe vendet e testimit të raketave. Irani fajëson Izraelin dhe në një moment, tha McKenzie, “përvoja ime me Iranin më thotë që ata do të përgjigjen”.
Nisur nga studimi i McKenzie për rajonin përfundimi është: Receta për një prani të qëndrueshme amerikane në Lindjen e Mesme është numër i vogël trupash, pak viktima, partnerë të mirë dhe kundërshtarë që trembin fqinjët e tyre.
David Ignatius është kolumnist i The Washington Post
Përkthyer he përshtatur nga The Washington Post/ Konica.al
VAZHDO TË LEXOSH MË TEPËR PËR TEMËN
Iraku mes Iranit dhe Arabisë Saudite
Aleati problematik
“Presidenti Trump, thikë pas shpine për iranianët”
