22.08.2020 - 09:31
Aktorja e njohur shqiptare Olta Gixhari është bërë nënë për herë të parë.
Ajo së bashku me partnerin e saj mirëpritën në jetë djalin e tyre pasditen e së premtes.
Lajmi u dha nga vetë aktorja në një postim në rrjetet sociale. Ajo postoi foton e një buqete me trëndafila të bardhë dhe në përshkrimin e fotos shkroi: 21/08/2020.
Nuk dihen ende detaje nga ardhja në jetë e foshnjes apo emri që cifti i kanë vendosur.
Një ditë para lindjes së bebit, Olta Gixhari postoi një foto teksa përgatiste valixhen e maternitetit me rrobat e djalit.
Ajo u shpreh se kjo ishte valixhja më e bukur që kishte përgatitur ndonjëherë. Ndërsa shtoi se mezi po priste që të mbante në krahë të voglin e saj.
