Sezoni 2020 në Formula 1 vijon të jetë katastrofë për Ferrarin, që edhe në garën e fundit në Spanjë zhgënjeu me paraqitjen e tij. Vettel u rendit në vendin e shtatë, ndërsa Leclerc u tërhoq nga gara.
“Ishte një tjetër fundjavë zhgënjyese për ne, si për sa i përket rezultatit në pistë, ashtu dhe për mënyrën e menaxhimit të gjithë fundjavës. Nuk arritëm të optimizojmë të gjithë potencialin që ka makina jonë”, – tha Binotto, drejtori sportiv i Ferrarit.
“Kishim mundësi të duelonim për vendin e katërt në garë, me Leclerc, por makina e tij pati një problem, diçka nuk funksionoi në çentralinën elektronike. Vettel bëri një garë të mirë, rikuperoi disa pozicione, por e shtuna dhe provat zyrtare ishin problemi kryesor për ne. Nuk jemi të shpejtë në xhiron teke dhe nisemi shumë larg kreut”, – shtoi Binotto.
LAP 38/66: KIMI BREAKS A RECORD
After completing lap 37, Kimi Raikkonen has now raced 83,846 km in F1
That’s further than any other driver F1 in history
That’s more than twice the circumference of Earth ?
That’s incredible ?#SpanishGP ?? #F1 pic.twitter.com/P5zoXOy12R
— Formula 1 (@F1) August 16, 2020
Në xhiron e 37-të të garës së Barcelonës, Kimi Raikkonen u bë piloti me më shumë kilometra të përshkuara në pistë në historinë e Formula 1. Lajmin e konfirmoi Formula 1 në faqen e saj në “Twitter”, duke komentuar se Raikkonen deri më tani ka përshkuar 83.846 km në karrierën e tij.
Distancë që është e barabartë me 2 xhiro rreth e përqark botës. Rekordin e mëparshëm e mbante një tjetër ikonë e këtij sporti, Fernando Alonso. Gara e fundit në Barcelonë solli një tjetër rekord të finlandezit, që u bë piloti me më shumë xhiro të përshkuara në historinë e Formula 1 me 16.911 xhiro, duke kaluar në këtë renditje legjendën Michael Schumacher.
