Piloti shqiptar i cili përfaqëson Gjermaninë në Formula 3, Lirim Zendeli, triumfoi për herë të parë në karrierë në një garë. Një sukses i jashtëzakonshëm në Çmimin e Madh të Belgjikës për 20-vjeçarin.
Ai synon të ngjisë shpejt shkallët e karrierës dhe një ditë të garojë në kategorinë më të lartë të garave me makina Formula 1. Shqiptari një ditë më parë ishte më i shpejti në provat zyrtare, duke fituar Pole Position, ndërkohë që ditën e sotme ka kurorëzuar gjithçka.
Një sukses ky që ka bërë krenarë të gjithë shqiptarët anë e mbanë botës. Nuk kishte ndodhur kurrë më parë që një pilot shqiptarë të arrinte të tilla suksese në garat me makina.
The long-awaited victory for @lirim_zendeli, and boy does it feel sweet! The emotions came flooding out ???#BelgianGP ?? #F3 pic.twitter.com/WyisH8St3S
— Formula 3 (@FIAFormula3) August 29, 2020
Falë suksesit në pistën Spa Francorchamps, Zendeli u ngjit në vendin e 7-të të renditjes së përgjithshme. Për t’u përmendur që 20-vjeçari shqiptar është pjesë e skuadrës Charouz Racing System.
VAZHDO TË LEXOSH MË TEPËR PËR TEMËN
Talenti shqiptar bën hapin e madh
Shqiptari, pranë kalimit në Formula 1
