Futbolli profesionist nuk njeh më besnikëri jo vetëm nga futbollistët, por edhe nga vetë klubet, që të përcjellin me një falenderim. Në futbollin shqiptar ka plot shembuj, i fundit Bruno Telushi. Vlonjati u shpall kampion me Partizanin, luajti edhe një sezon, por nuk iu rinovua kontrata më.
Dhe Telushi është emri më i ri i skuadrës së Kukësit. Ashtu siç pritej, mesfushori i është bashkuar verilindorëve me të cilët do të vazhdojë karrierën e tij në dy vitet e ardhshme.
Pa u ndarë mirë me Partizanin, jo pa polemika, Telushi u takua në zyrat e klubit të Kukësit me drejtuesit e kësaj skuadre duke gjetur shpejt akordin. Ai ka udhëtuar sot në Tropojë për të qenë pjesë e Kukësit në përgatitjet për pjesëmarrjen në Ligën e Europës.
;
NJOFTIMI I KUKËSIT
“Bruno Telushi është zyrtarisht futbollist i Kukësit! Mesfushori 29-vjeçar ka firmosur sot me skuadrën tonë kontratën dy vjeçare. Telushi ka luajtur për shumë vite në Kategorinë Superiore por edhe jashtë, ku së fundmi ishte pjesë e skuadrës së Partizanit ku edhe ka fituar një herë titullin kampion.
Telushi ka kryer vizitat mjekësore dhe më pas ka firmosur kontratën, duke u bërë kështu futbollisti më i ri i skuadrës sonë. Mesfushori vlonjat ka udhëtuar sot drejt Tropojës ku do të bashkohet me ekipin për të nisur përgatitjet për ndeshjen ndaj Slavia Sofias.”
VAZHDO TË LEXOSH MË TEPËR PËR TEMËN
