Presidenti rus Vladimir Putin ka propozuar një pakt me Shtetet e Bashkuara për të shmangur ndërhyrjen në zgjedhjet e njëri-tjetrit dhe punët e tjera të brendshme.
Putini citoi atë që ai e quajti “rrezikun e një konfrontimi në shkallë të gjerë në sferën dixhitale”, sipas një deklarate të Kremlinit të Premten.
Më parë këtë javë, Zyra e Drejtorit të Inteligjencës Kombëtare të SHBA informoi anëtarët e Kongresit rreth asaj që tha se ishin përpjekje aktive nga Rusia, Kina, Irani dhe kombet e tjera për të ndërhyrë në zgjedhjet e SHBA në 2020 që do të zhvillohen në nëntor.
Agjencitë e inteligjencës amerikane më herët përfunduan se Rusia ndërhyri në zgjedhjet presidenciale të SHBA 2016.
Qeveritë e tjera perëndimore gjithashtu kanë akuzuar Rusinë për përdorimin e hakerëve dhe fushatave dezinformuese të mediave sociale për të ndërhyrë në zgjedhjet e tyre. Rusia ka mohuar akuzat.
Deklarata e Putin, e cila u lexua me zë të lartë nga Ministri i Jashtëm Sergey Lavrov në një video të lëshuar nga ministria, vjen mes akuzave të Kremlinit se vendet perëndimore po krijojnë një fushatë “dezinformimi” kundër Rusisë për helmimin e muajit të kaluar të liderit të opozitës ruse Alexei Navalny në Siberi.
Dy analistë politikë rusë me lidhje me Kremlinin thanë të premten se edhe nëse propozimi i Putin ishte një përpjekje e mirëfilltë për të përmirësuar marrëdhëniet me Uashingtonin, ata nuk prisnin që ajo të shkonte askund.
“Është e qartë se Kremlini, natyrisht, do të preferonte të mos grindej me Uashingtonin, pa marrë parasysh rezultatin e zgjedhjeve,” tha Kortunov, duke vërejtur rrezikun që Presidenti Biden kërkon të vendosë sanksione të reja ndaj Rusisë. Por ata do të donin t’i shmangnin këto sfida pa paguar një çmim serioz”, tha një prej tyre.
Përkundrazi, marrëdhënia e Rusisë me Perëndimin vetëm është përkeqësuar më tej në javët e fundit.
Sulmi i pashpjegueshëm i agjentit nervor ndaj Aleksei A. Navalny, lideri rus i opozitës që po rikuperohet tani në Berlin, shkaktoi neveri në vendet evropiane, përfshirë Gjermaninë dhe Francën, vendet ku Putin kishte nisur të fitonte një farë simpatie.
Dhe mbështetja e Putin për Aleksandr G. Lukashenko, autokrati Bjellorus i cili nisi një goditje brutale ndaj protestuesve pro-demokracisë muajin e kaluar, demonstroi ndjekjen e vijës së ashpër të Kremlinit të një sfere të ndikimit post-Sovjetik në kurriz të të drejtave të njeriut.
Fyodor Lukyanov, një analist i politikës së jashtme të Moskës, i cili këshillon Kremlinin, tha se propozimi i sigurisë kibernetike të së premtes nënvizoi se Putin tani është në një gjendje shumë më ndryshe sesa ishte në kulmin e krizës së Ukrainës pesë vjet më parë.
Por ai tha se mosbesimi amerikan ndaj Rusisë ishte aq I bindur që ai nuk priste që propozimi i Putinit të merrej seriozisht në Uashington, dhe se marrëdhëniet mund të përkeqësoheshin nëse Biden fiton presidencën.
Përkthyer dhe përshtatur nga New York Times/ konica.al
VAZHDO TË LEXOSH MË TEPËR PËR TEMËN
“Dorëzohet” Putini, shtyn votimin për shkak të koronavirusit
“Diktatura e fundit në Evropë” nuk mund të lihet më në hije!
