Presidenti Trump përsëriti dëshirën e tij për tu “marrë vesh” me Moskën pavarësisht një trazire ndërkombëtare për helmimin e disidentit rus Aleksei A. Navalny, duke thënë se kur tema e Rusisë shfaqet në lajme në televizor, ai e fik atë.
Duke folur në një tubim të vogël fushate në Latrobe, Pa., Trump nuk e përmendi Navalny në një ditë kur sekretari i tij i shtypit lëshoi një deklaratë të ashpër në lidhje me përpjekjen për vrasje kundër disidentit, i cili është kritiku më i madh i Presidentit Vladimir Putin të Rusisë. As nuk foli për paralajmërimet e reja nga zyrtarët e tij të inteligjencës se Rusia po kërkon të ndërhyjë në zgjedhjet e vitit 2020.
Në vend të kësaj, ai u mburr se ai i kishte mbajtur Shtetet e Bashkuara larg “nga luftërat” dhe ai tregoi përpjekjet e tij këmbëngulëse për të rregulluar marrëdhëniet midis Uashingtonit dhe Moskës.. “Nëse shkoj mirë me Rusinë, a është diçka e mirë apo e keqe? Unë mendoj se është një gjë e mirë”, tha Trump.
Komentet e tij erdhën disa orë pasi sekretarja e shtypit i Shtëpisë së Bardhë, Kayleigh McEnany, e quajti helmimin e Navalnit veprim që duhej dënuar. Por gjithashtu këmbënguli para gazetarëve se “askush nuk ka qenë më i ashpër ndaj qeverisë ruse se ky president”.
Administrata e Trump ka ndërmarrë disa veprime ndëshkuese kundër qeverisë ruse, duke përfshirë dëbimin e diplomatëve dhe një sërë sanksionesh ekonomike, por e ka bërë këtë kryesisht nën presionin e Kongresit ose aleatëve evropianë.
Sulmi befasues ndaj kritikut më të shquar të brendshëm të Putinit gjatë një udhëtimi në Siberi muajin e kaluar ka treguar sërish admirimin e fshehur të Trump për një udhëheqës rus që shihet në Uashington dhe Evropë si një autokrat amoral i vendosur për të shkatërruar demokracitë perëndimore.
Komentet e Trump erdhën ndërsa udhëheqësit e huaj, duke përfshirë Kancelarën Angela Merkel të Gjermanisë dhe Kryeministrin Boris Johnson të Britanisë, kërkuan përgjigje nga Moska në lidhje me episodin.
Nuk ka prova përfundimtare që lidhin Putinin ose Kremlin me helmimin e Navalnit dhe Kremlini ka mohuar çdo përfshirje. Disa analistë kanë thënë se ai mund të ketë qenë në shënjestër të rivalëve politikë në nivelin lokal.
Por fakti që Gjermania i ka siguruar atij azil, i jep një peshë të madhe teorisë se ishte një veprim nga nivele të larta të shërbimeve të sigurisë së Rusisë.
Trump i është referuar drejtpërdrejt çështjes së Navalnit vetëm një herë, duke thënë se “ne po e shqyrtojmë çështjen”, dhe se Sekretari i Shtetit Mike Pompeo do të raportonte tek ai së shpejti.
Pesë ditë më vonë, Pompeo lëshoi një deklaratë duke thënë se nëse raportet e një helmimi “dalin të sakta”, Shtetet e Bashkuara do të mbështesnin “një hetim gjithëpërfshirës” nga Bashkimi Evropian dhe ishin gati të ndihmonin.
Trump gjithashtu nuk ka folur as për një seri veprimesh ushtarake ruse në ditët e fundit, duke përfshirë një episod të fundit të gushtit në Sirinë verilindore që la të plagosur shtatë trupa amerikane pasi një automjet i blinduar rus goditi të tyrin.
Dhe ai ka hedhur poshtë raportet e inteligjencës se Rusia u ofroi shpërblim luftëtarëve të lidhur me Talibanët në Afganistan për vrasjen e trupave Amerikane atje.
Disa zyrtarë të Trump, janë gjithashtu të zhgënjyer nga mbështetja e Putin për presidentin e Bjellorusisë, Aleksandr G. Lukashenko.
Aleatët e Biden janë r gjithnjë e më agresivë në sulmet e tyre ndaj Trump për temën e marrëdhënieve të tij me presidentin rus, me të cilin ai ka folur të paktën tetë herë këtë vit.
“Trump vazhdimisht goditet nga Putini,” shkroi të hënën në një cicërimë Susan E. Rice, një ish këshilltare e sigurisë kombëtare e Presidentit Barack Obama. “Dhe nuk thotë dhe nuk bën asgjë.”
Michael Crowley është një korrespondent i Shtëpisë së Bardhë, që mbulon politikën e jashtme të Presidentit Trump. Ai u bashkua me The Times në 2019 nga Politico, ku ishte redaktor i Shtëpisë së Bardhë dhe i sigurisë kombëtare, dhe një korrespondent i çështjeve të jashtme.
Maggie Haberman është korrespodente e Shtëpisë së Bardhë. Ajo u bashkua me Times në 2015 si korrespodente e fushatës dhe ishte pjesë e një ekipi që fitoi një Çmim Pulitzer në 2018 për raportimin mbi këshilltarët e Presidentit Trump dhe lidhjet e tyre me Rusinë.
Përkthyer dhe përshtatur nga New York Times/ Konica.al
VAZHDO TË LEXOSH MË TEPËR PËR TEMËN
“Nuk fshihem pas SHBA-së, kur bëj punë të liga”
“Zgjohet” SHBA, flet për helmimin e rivalit të Putinit
Arma e Putinit: ‘Shteti i inteligjencës’
