Pekini po përpiqet të bindë administratën e ardhshme Biden se marrëdhënia SHBA-Kinë mund të jetë e qetë dhe pozitive, por vetëm nëse Uashingtoni injoron politikat e administratës Trump, injoron sjelljet më të këqija të Kinës dhe pretendon se gjithçka është në rregull.
Kjo skemë varet nga bindja e Presidentit të zgjedhur Joe Biden se ruajtja e harmonisë në marrëdhëniet SHBA-Kinë është më e rëndësishme se çdo gjë tjetër – një premisë e gabuar dhe e rrezikshme.
Në ditët e tij të fundit, administrata Trump ka filluar një seri masash për të nxitur përsëri agresionin ekonomik kinez, spiunazhin dhe abuzimet e të drejtave të njeriut.
Në të njëjtën kohë, thirrjet për administratën e Biden-it për të ndryshuar drejtim vijnë jo vetëm nga Kina por edhe nga ish-sekretari i shtetit Henry Kissinger, i cili paralajmëroi këtë javë se të dy fuqitë po shkojnë drejt një konflikti të ngjashëm me Luftën e Parë Botërore.
Por oferta e qeverisë kineze për të përmirësuar marrëdhëniet vjen me një kosto të paarsyeshme.
Një zëdhënës i ministrisë së jashtme kineze sugjeroi në korrik që Uashingtoni dhe Pekini të përpilojnë lista të çështjeve të ndryshme bilaterale dhe më pas të merren me “çështjet e vështira”.
Ka shumë mënyra se si Biden mund të përmirësojë qasjen e Trump në Kinë. Presidenti i ri duhet ta bëjë strategjinë e SHBA më shumëpalëshe, më të organizuar dhe më të qëndrueshme. Dhe administrata e tij duhet të përfitojë nga premtimet e pambajtura të Tump në lidhje me marrëdhëniet me Kinën.
Ajo që ka ndryshuar nën Trump është se stabiliteti në marrëdhënie nuk shihet më si objektiv.
Eric Sayers, në Institutin Amerikan të Ndërmarrjeve, më tha: “Kjo nuk do të thotë që ne duhet të kërkojmë paqëndrueshmëri, por ne duhet të pranojmë se disa paqëndrueshmëria do të jetë pjesë e marrëdhënies. ”
Ekipi i Biden do të ishte budalla po të luante me skemën e Pekinit. Nëse Biden synon të riparojë aleanca, ai duhet të kuptojë se aleatët si Australia duan mbështetje për rezistencën ndaj ngacmimeve të Kinës..
Një sërë grupesh interesi janë të gatshëm t’i bëjnë presion Bidenit për t’iu nënshtruar kërkesave të Kinës.
Por do të dilnin kundër një shumice të amerikanëve në të dy partitë dhe do të thyenin premtimin e fushatës së Biden për t’i dalë ballë për ballë Xi.
Përkthyer dhe përshtatur nga The Washington Post/ konica.al
VAZHDO TË LEXOSH MË TEPËR PËR TEMËN
Ç’do të bënte ndryshe Biden nga Trump?
Cilat janë sfidat që e presin presidentin e ri amerikan?
