Kryeministri Edi Rama foli për energjinë në konferencën e kësaj të enjte, për transformimin rrënjësor që tha se po vazhdon dhe projektet në zhvillim.
Sistemi energjetik tha Rama ishte i “degraduar skajshmërisht” dhe pas 7 vitesh e dy muajsh, nënvizoi se “mund te themi me plot gojen qe kemi hyrë në një fazë krejtësisht të re, pasi kemi hapur rrugën e një transformimi rrënjësor që vazhdon”.
Shefi i qeverisë theksoi se vendi është në kushtet kur “për sa i përket rrjetit të energjisë flasim për arritje të jashtë zakonshme në aspektin e uljes së humbjeve dhe mbledhjes së detyrimeve që tanimë janë kthyer në një normë që nuk e diskuton më askush”.
Ndërsa lajmëroi se qeveria po punon për “zgjerim të tregut e bashkimit të tij me Italinë dhe Malin e Zi, duke pasur parasysh që brenda e jashtë vendit rrjetet e energjisë po zhvillohen gjithnjë e më shumë”.
Rama foli për projektet që janë në zhvillim, si kantieri për linjën e interkonjeksionit Shqipëri-Maqedoni e Veriut. Ndërsa është vënë në punë linja e interkonjeksionit Shqipëri-Kosovë.
“Besoj shumë se ky zhvillim kaq i rëndësishëm mes dy shteteve tona e projekti i linjës së interkonjeksionit Shqipëri – Maqedoni e Veriut janë pjesë e një tërësie ndryshimesh të mëdha që po ndodhin, përfshi dhe kushtet për themelimin e bursës shqiptare të energjisë, që nisi me ndryshimet ligjore të vitit 2018 dhe me nënshkrimin e aksionarëve për themelimin mes operatorëve shqiptarë e atyre të Kosovës të shpërndarjes, që do e fusë vendin në një etapë të re për sektorin e energjisë.
Dua të prek dhe zhvillimin e madh strategjik që tani është futur në rrugën e realizimit, në fazën e parë, nënkshrimin e marrëveshjes me qeverinë amerikane për Skavicën, që do krijojë mundësinë për mos cuar dëm më asnjë pikë ujë të destinuar për prodhim energjie e do e kthejë Shqipërinë në një fuqi eksportuese të energjisë. Si do na japë munsësinë të kursejmë në mënyrë të konsiderueshme e mundësinë të mbajmë rezerva e mos qenë të detyruar ti drejtohemi tregut në momente krizash nga thatësira.”
VAZHDO TË LEXOSH MË TEPËR PËR TEMËN
Hec i Skavicës/ 2 skenarët me kosto 308 dhe 510 milion euro
