Centristi Armin Laschet është zgjedhur udhëheqës i Demokratëve Kristianë të Gjermanisë (CDU), partia e Kancelares Angela Merkel.
Laschet, Kryeministri i shtetit North Rhine-Westphalia, mundi dy rivalë në konferencën virtuale të partisë.
Ai tani është në një pozitë të mirë në garën për të pasuar Merkel kur ajo të largohet nga posti i kancelares gjermane në shtator, pas 16 vitesh në detyrë.
Por ai përballet me një peisazh politik të ndryshuar pas pandemisë Covid.
Laschet, 59 vjeç, mundi biznesmenin konservator Friedrich Merz në një balotazh me 521 vota pro kundër 466.
Një kandidat i tretë, Norbert Röttgen, u eliminua në raundin e mëparshëm.
Gjermania shkon në votime në shtator, por udhëheqësi i CDU nuk është i garantuar të bëhet kandidati i saj për kancelar.
Ministri i Shëndetësisë Jens Spahn, dhe Markus Söder, udhëheqës i partisë simotër bavareze të CDU, CSU, gjithashtu mund të kërkojnë postin, megjithëse asnjëri nuk ka thënë akoma që ata duan postin.
Një vendim përfundimtar do të merret në pranverë.
Laschet është një mbështetës besnik i zonjës Merkel dhe tha gjatë fushatës se një ndryshim i drejtimit për partinë “do të dërgonte saktësisht sinjalin e gabuar”.
Pro-emigrant dhe BE
Armin Laschet, e shpall veten si një kandidat për vazhdimësi dhe, për të paktën një kohë, mendohej se ishte kandidati i preferuar i Angela Merkel.
Ai mbrojti qëndrimin e saj gjatë krizës së refugjatëve 2015 dhe është i njohur për politikën e tij liberale, pasionin për BE dhe aftësinë për t’u lidhur me komunitetet imigrantë.
Por thirrja e tij për një relaksim të hershëm të kufizimeve të Covid pranverën e kaluar befasoi shumë njerëz dhe thuhet se zemëroi Merkel. Që atëherë ai është tërhequr nga ai pozicion, por i është dashur të punojë për të riparuar dëmtimin e besueshmërisë së tij politike.
Pyetja e madhe tani është nëse CDU do ta vendosë atë si kandidatin e tyre për kancelar në zgjedhjet e përgjithshme të shtatorit.
Ministri gjerman i Shëndetësisë Jens Spahn mendohet se ka ambicie për postin. Dhe sondazhet e fundit të opinioneve sugjerojnë se kryeministri bavarez Markus Söder do të ishte gjithashtu një zgjedhje popullore.
Përkthyer dhe përshtatur nga BBC/ konica.al
VAZHDO TË LEXOSH MË TEPËR PËR TEMËN
Armin Laschet zgjidhet në vend të Angela Merkel!
Evropa në duart e pasardhësve të Merkelit…
Dilema e madhe që po mundon gjermanët…
