Ministrja e Shëndetësisë dhe e Mbrojtjes Sociale Ogerta Manastirliu u shpreh se kapacitetet e spitaleve COVID në Tiranë nuk janë ezauruar ende.
Ajo bëri me dije se janë ende 550 shtretër të lire në katër spitalet Covid, ndërsa tregoi edhe kapacitetet e spitaleve rajonale.
“Kryeqyteti nuk i ka ezauruar në katër spitalet Covid kapacitetet, ka gjithmonë vende të lira. Prandaj hapen spitalet rajonale që të krijojnë disponibilitet për shtretërit. Çdo gjë është e organizuar sipas një protokolli specifik. Në bazë të rëndesës së rastit dërgohen në strukturat tona të spitalet Covid. Janë 550 shtretër në dispozicion në të 4 spitalet. Kemi vendosur edhe shtretër ekstra, shkojnë në 600 shtretër.
Në spitalin e Durrësit dhe të Shkodrës janë 60 shtretër dhe 80 shtretër përkatësisht në dy spitalet. Aktualisht në dy spitalet Shkodër dhe Vlorë ka 20 të shtruar, pa përfshirë ata që trajtohen për post-Covid dhe të dyshuarit. Disponojmë të gjitha kapacitetet spitalore”, tha ministrja duke folur në krah të kryeministrit Edi Rama.
VAZHDO TË LEXOSH MË TEPËR PËR TEMËN
