Presidenti Ilir Meta në konferencën me gazetarët u pyet për dy emrat e rinj që do të jenë në listën e kandidatëve për deputetë nën siglën e PS, Najda Çomo dhe Luljeta Bozdo.
Kreu i Shtetit nuk pranoi te komentojë emrat, por tha se me rëndësi është që kandidatët të jenë figura me integritet dhe që të përfaqësojnë interesat e qytetarëve.
“Sa i takon kandidatëve të forcave politike këto nuk janë në interesin tim, por në interesi tim si president ata duhet të mbrojnë interesat e qytetareve. Është e rëndësishme që të jenë figura me integritet.
Dua të theksoj rëndësinë që qytetarët të shikojnë me vëmendje listat e çdo force politike që ata preferojnë dhe të votojnë në ato lista për kandidatin që ata besojnë se kanë integritetin më të lartë për të përfaqësuar interesat e tyre. Të japin mesazhin e qartë se cilët janë deputetët e vërtetë”, u shpreh Presidenti Meta.
