Pas vendimit për pezullimin e ndërtimit të Teatrit të ri Kombëtar, Aleanca për Mbrojtjen e Teatrit ka depozituar një tjetër padi në SPAK. Në një prononcim për mediat, përfaqësuesja e Aleancës, Adriana Kalaja deklaroi se ka paraqitur të tjera prova që sipas tyre evidentojnë shkelje nga Bashkia e Tiranës.
Ajo thotë se vendimi i Gjykatës Kushtetuese për pezullimin e punimeve e bën nul vendimin e këshillit bashkiak për shembjen e teatrit. Më tej Kalaja thotë se pas përfundimit të hetimeve, duhet të çohen në gjykatë të pandehurit.
“Kemi prova të reja. Prova që vërtetojnë gjithë shkeljet penale dhe korruptive të kryetarit të bashkisë për prishjen e teatrit. Qoftë në raport me afatet kohore dhe me vendimet e KLSH-së. Duhet të njihet publiku me vendimin e KLSH ku u kërkua që mos të ekzekutohet vendimi për prishjen e teatrit, deri në marrjen e vendimit nga Gjykata Kushtetuese. Në 14 maj, 2020, presidenti Meta ka depozituar kërkesën e dytë në gjykatën kushtetuese që mos të shembej teatri. Këto akte kanë rënë, dhe janë nuk në kundërshtim me ligjin. Nuk ka pasur një konkurrim, ka qenë i paracaktuar vendimi.
Është i njëjti projekt që shoqëria ‘Fusha shpk’ pagoi dhe e paraqiti. Është i njëjti projekt që gjoja u bë tenderi dhe jo i dalë nga procedurat e ligjshme. Gjykata nuk e ka marrë në shqyrtim kërkesën tonë në lidhje me vendimin e Këshillit Bashkiak, për shkak të kuorumit. Gjykata Kushtetuese është marrë me shkakun dhe jo me pasojën. Por vendimi që u dha nxjerr nul vendimin e Këshillit Bashkiak. Gjykata Kushtetuese ka thënë; palët të kthehen në gjendje të mëparshme dhe prona të kthehet te Ministra i jep atij mundësi që të manipulojë provat. Kërkesa e fundit që kemi paraqitur sot është që të mbyllen hetimet. Sot mbyllet dhe afati. Kemi kërkuar që të mbyllet hetimi dhe të çohen të pandehurit para gjykatës. Kemi kërkuar marrje të sekuestros preventive mbi teatrin.”, -tha Kalaja.
VAZHDO TË LEXOSH MË TEPËR PËR TEMËN
“Pezullo vendimin për shembjen e Teatrit Kombëtar”
Teatri Kombëtar/ ‘Kushtetuesja’ shqyrton sot dy paditë e Metës
Gjykata Kushtetuese shqyrton sot “Teatrin”
