“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti:Pse nuk duhet të ripërdor kremin e diellit të vitit të kaluar?
Mjeku: Mbrojtja e mirë nga dielli është thelbësore gjatë gjithë vitit. Megjithatë, edhe nëse mbrohemi me një krem aktiv kundër diellit, është e rëndësishme të jemi shumë të kujdesshëm me datën e skadencës. Ky detaj mund të duket i parëndësishëm, por na besoni është shumë i rëndësishëm dhe bën diferencën, sidomos për shëndetin tonë.
Për veprim efektiv, nuk rekomandohet përdorimi i kremit të vjetër të diellit
Nëse ju ka mbetur krem kundër diellit që keni blerë disa muaj më parë, kontrolloni datën e skadencës. Në fakt, përdorimi i tij pas datës së rekomanduar mund të ketë pasoja negative për shëndetin tonë.
Para së gjithash, nëse kremi është hapur për një kohë të gjatë, ai mund të mos jetë më efektiv. Përbërësit që mbrojnë lëkurën nga rrezet UV bëhen më pak efektive me kalimin e kohës, kështu që lëkura jonë nuk mbrohet më. Megjithatë, kjo nuk është e vetmja pengesë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
