Fatjon Murati, pronari i lokalit në Don Bosko ku dhe u krye atentati i 12 marsit rezulton të ketë thyer masën “arrest shtëpie” të dhënë nga Gjykata më herët.
Edhe pse duhet të ishte në “arrest shtëpie”, duket se Fatjon Murati jo vetëm e ka thyer këtë masë, por i pa shqetësuar ka udhëtuar edhe jashtë vendit.
Burime për media bëjnë me dije se më 19 janar të këtij viti, Fatjon Murati ka dalë nga Shqipëri nga Morina. Pasaporta e tij është vulosur nga pala shqiptare dhe pas disa ditësh është rikthyer në vend.
Është e paqartë se si Murati ka kaluar mga dogana e Morinës, pasi avokati Alban Duraj thotë se të gjithë masat e sigurisë për pesonat e dënuar dalin në sistemin TIMS.
Jo vetëm më 19 janar, edhe ditën që ndodhi atentati, 12 mars në lokalin e tij, Fatjon Murati ka kaluar kufinin pa probleme pasi në Morinë nuk ka kontrolle në fundjavë dhe nuk u kthye më.
Ajo që është e paqartë është mënyra sesi policia, që është përgjegjëse për ruajtjen e personave në masën e arrestit shtëpiak nuk ka mundur dot të verifikojë lëvizjet e Muratit.
Kujtojmë që mbrëmjen e 12 marsit në një lokal në Don Bosko u krye një masakër, ku persona të paidentifikuar qëlluan me breshëri kallashnikovi drejt lokalit të Fatjonit.
Nga ky atentat humbi jetën banakjeria 50 vjeçare Mimoza Paja si dhe mbetën të plagosur 5 të tjerë.
Sot është zhvilluar edhe seanca gjyqësore për Fatojn Muratin në Gjykatën e Tiranës. Murati akuzohet bashkë me Kristian Gjinin se kanë qenë posedues të disa armëve me precizion të lartë, të kapura nga në korrik 2022.
VAZHDO TË LEXOSH MË TEPËR PËR TEMËN
Dy ditë nga masakra në lokalin e Fatjon Muratit, ku janë përqëndruar hetimet e policisë
Gjykata tregon si u lirua nga burgu Fatjon Murati
