FSHF ka caktuar sot kalendarin për Kategorinë e Parë, duke hedhur shortin për të dy grupet nga të cilat do të dalin emrat e skuadrave që ngjiten në elitën e futbollit shqiptar në vitin e ardhshëm.
Në Grupin A, ajo që shfaqte më shumë interes ishte padyshim Vllaznia, një tjetër ekip i traditës i rënë në Kategorinë e Parë e që pritet të dominojë këtë grup. Sipas shortit të hedhur sot, ndeshja e parë e shkodranëve në këtë sezon do të jetë në shtëpi, përballë skuadrës së Korabit.
JAVA 1, Grupi A
Dinamo – Veleçiku
Besëlidhja – Burreli
Vllaznia – Korabi
Erzeni – Iliria
Shënkolli – Vora
Në Grupin B, ka menjëherë një përballje shumë interesante dhe rivalizuese, mes Tomorit dhe Lushnjës. Në një kampionat që do të ketë më shumë luftë se sa në Grupin A, Besa e nis pjesëmarrjen e saj në Pogradec, ndërsa Bylisi luan të parën në Rrogozhinë.
JAVA 1, Grupi B
Pogradeci – Besa
Tomori – Lushnja
Orikumi – Elbasani
Egnatia – Bylis
Turbina – Apolonia
Java e parë e kampionatit të Kategorisë së Parë do të luhet më datë 9 shtator.
