Me nisjen shkollës, shpeshherë vjen një shtim i ftohjeve, dhe fëmijët preken njëri pas tjetrit me simptomat përkatëse.
Por prindërit që duan të lehtësojnë situatën e një fëmije të sëmurë do të bënin më mirë që të shmangnin përdorimin e tepërt të ilaçeve.
Dekongjestantet (bar për zvogëlimin e kongjestionit – sekrecioneve të hundës) nuk duhet të jepen për fëmijët më të vegjël se 6 vjeç sepse nuk ka prova se ata bëjnë ndonjë të mirë te fëmijët, sipas një studimi të publikuar në internet në 10 tetor në HealthDay Reporter.
Këto ilaçe, që quhen edhe dekongjestantë, nuk lehtësojnë efektivisht simptoma të tilla si një hundë e mbingarkuar ose me sekrecione të lëngshme, por shkaktojnë efekte anësore potencialisht të rrezikshme për fëmijët, tha studiuesi i lartë Dr. An De Sutter. Ai është kreu i mjekësisë familjare dhe kujdesit shëndetësor parësor në Universitetin Ghent në Belgjikë.
Disa dekongjestantë “mund të kenë efekte të rënda anësore, të tilla si hipertensioni, agjitim dhe konvulsione”, tha De Sutter.
Shqyrtimi i provave të reja jep një rëndësi shtesë, bazuar në një paralajmërim të vitit 2008, të lëshuar nga Administrata Amerikane për Ushqimin dhe Barnat, që nuk duhet t’u jepet shurup për kollën dhe shurup për të ftohtin fëmijëve më të vegjel se 2 vjeç dhe duhet të përdoren vetëm me kujdes në fëmijët më të rritur.
Akademia Amerikane e Pediatrisë gjithashtu rekomandon përdorimin e shurupeve kundër kollës te fëmijët më të vegjël se 4 vjeç, tha Dr Jeffrey Gerber, drejtor mjekësor i Programit të Menaxhimit Antimikrobik në Spitalin e Fëmijëve të Filadelfias.
“Në përgjithësi, në rastin më të mirë në të rriturit rreziqet dhe përfitimet janë ndoshta të barabarta ndërsa te fëmijët rreziqet tejkalojnë përfitimet”, tha Gerber.
Ftohja e zakonshme mund të shkaktohet nga viruset dhe simptomat janë të qarta në shtatë deri në 10 ditë, u shprehën autorët e studimit. Fëmijët marrin rreth gjashtë deri në tetë viroza në vit, krahasuar me dy deri në katër viroza çdo vit për të rriturit.
Provat e tanishme nga provat klinike tregojnë se dekongjestantët sigurojnë pak ose aspak lehtësim për fëmijët, thanë hulumtuesit.
Autorët e studimit kanë konkluduar se dekongjestantët ose ilaçet që përmbajnë antihistaminikë nuk duhet të jepen tek fëmijët nën moshën 6 vjeç dhe të përdoren me kujdes në fëmijët e moshës 6-12 vjeçare.
Ironikisht, përdorimi afatgjatë i dekongjestantëve mund të çojë në kongjestion kronik të hundës. Të rriturit paraqesin një rrezik në rritje të efekteve anësore si pagjumësia, përgjumja, dhimbja e kokës ose perzierje në stomak, treguan gjetjet.
Ekzistojnë gjithashtu prova të papërshtatshme që mbështesin trajtimet e tjera të përdorura në shtëpi, të tilla si avull, analgjezikë, fërkim me kremra si vaporub, echinacea ose probiotikë, thuhet në raport.
Shpëlarja me ujë me kripë ose me solucion fiziologjik janë mënyra më e sigurt që prindërit duhet të bëjnë për të lehtësuar hundën e bllokuar të një fëmije, sipas raportit.
Prindërit mund të përdorin acetaminophen (Tylenol për fëmijë) ose ibuprofen për të reduktuar ethet, dhimbjet dhe një kompresë të freskët në rast temperature. Fëmijët mund të ndihmohen në kalimin e kësaj situate duke liruar hundët për një frymëmarrje më të lehtë, sugjeron FDA.
Përveç kësaj, fëmijët duhet të pinë shumë lëngje që të mbeten të hidratuar.
