Spanja ka lënë të kuptohet se nuk do të vërë veton ndaj asnjë marrëveshje përfundimtare të Brexit pas negociatave mes Madridit dhe Londrës rreth Gjibraltarit këtë fundjavë.
Territori britanik jashtë shtetit, Gjibraltari, ka qenë prej kohësh një burim grindjesh mes Spanjës dhe Britanisë në mënyrë të përsëritur.
Spanja pati një fitore të madhe në mars 2017 duke marrë udhëzimet e negociatave të Këshillit Evropian për të shprehur nevojën për një marrëveshje dypalëshe Londër-Madrid.
BE i dha kompetenca Spanjës për të bllokuar marrëveshjen Brexit.
Por Spanja ka një kërkesë kyçe, që lidhet me Gjibraltarin dhe e bëri të qartë se Madridi nuk do të vërë veton ndaj një marrëveshje përfundimtare të Brexit.
Madrid ka kohë që është ankuar për statusin e Gjilbraltarit që është konsideruar së fundmi si një territor britanik dhe e ka sulmuar atë për rregullat tatimore dhe çështjet mjedisore, si dhe pretendon se kontrabandistët e duhanit e përdorin territorin për të transportuar cigare në Spanjë.
Por pas një takimi të enjten, Sanchez tha se Britania e Madhe dhe Spanja kishin rënë dakord për një protokoll zyrtar , që përmbante kushtet e Britanisë për të dalë nga BE. Duke folur në Bruksel pas një samiti të BE të enjten në mbrëmje, ai tha: “Protokolli i Gjibraltarit është zgjidhur, është mbyllur me qeverinë britanike”.
Në takimin e shkurtër të May dhe Sanchez, të dy liderët dëshironin të arrinin një marrëveshje mbi çështjet ende të pazgjidhura në marrëdhëniet midis Spanjës dhe kolonisë britanike.
Çështja më e rëndësishme është fakti që Madridi hoqi dorë nga kërkesa e tij për menaxhim të përbashkët të aeroportit të Gjibraltarit pas Brexit.
Kryeministri spanjoll tha: “Ne e kemi konsideruar atë një çështje të rëndësishme dhe ne po bëjmë gjithçka që është projektuar më parë, që na duket normale dhe e arsyeshme “.
Sanchez tha gjithashtu: “Ajo që ne duam para së gjithash është një marrëveshje dhe për t’i dhënë stabilitet popullit, pra një marrëveshjeje me Mbretërinë e Bashkuar lidhur me kontrollin e përbashkët të aeroportit ose sovranitetin e Spanjës mbi gadishullin e lënë jashtë saj.
Mediat spanjolle e kanë quajtur takimin e së premtes një ‘mundësi të humbur’ nga ana e Sanchez, pasi Spanja kishte fuqinë e vetos mbi marrëveshjen përfundimtare dhe mbështetjen e vendeve anëtare të BE për të zgjidhur konfliktin e vazhdueshëm mbi gadishullin.
VAZHDO TË LEXOSH MË TEPËR PËR TEMËN
Gadishulli i Gjibraltarit, ‘mollë sherri’ mes Spanjës e Britanisë
Brexit/ Britania nuk ‘ul kokën’ para Evropës
BE refuzon planet e reja të Britanisë për Brexit
