Unaza e Re tashmë është bërë një mollë sherri midis politikës dhe banorëve të zonës së ‘Astirit’ të cilët preken nga ky projekt. Banorët kërkojnë me ngulm që të shpronësohen me vlerën e tregut.
Për këtë ka folur edhe ministri i Infrastrukturës, Damian Gjiknuri, i cili theksoi se nuk do të ketë prishje pa dalë më parë vendimi i Këshillit të Ministrave për dëmshpërblimet e banorëve.
Ai e cilësoi segmentin e “Unazës së Re” si një aortë që i shërben të gjithë Shqipërisë. Kreu i kësaj ministrie iu bëri thirrje qytetarëve të bashkëpunojnë me Autoritetin Rrugor Shqiptar.
“Unaza e Tiranës, ‘aorta’ e gjithë Shqipërisë. Masterplani i projektit për Unazën që në vitin ’89. Po tentohet të pengohet zhvillimi i projektit. Nuk ka prishje, pa dalë VKM për shpronësim. Do dali VKM për 180 objekte. Banorët të bashkë-punojnë me ARRSH. Pastrimi i zonës pasi të bëhen shpronësimet”, tha ministri .
VAZHDO TË LEXOSH MË TEPËR PËR TEMËN
Basha paralajmëron fakte/ Skema e hajdutërisë tek Unaza e Re
‘Unaza e Re’/ Banorët: Bllokim rruge pa afat
