Zëvendëskryeministri i Kosovës, Enver Hoxhaj, e ka demantuar lajmin e publikuar në mediat serbe, ku është publikuar një listë me emrat e zyrtarëve të lartë shtetëror serbë, të cilëve kinse u ndalohet hyrja në Kosovë.
Zëvendëskryeministri Hoxhaj, e ka quajtur propagandë serbe të stilit sovjetik në raport me Kosovën “listën e zezë” me emrat e zyrtarëve të lartë serbë, të cilëve kinse u ndalohet hyrja në Kosovë.
“Një listë e tillë nuk eksiton dhe absolutisht nuk është e vërtetë! është propagandë serbe e stilit sovjetik në raport me Kosovën. Është një propagandë si reagim, pas vendim tonë shumë legjitim për vendosjen e taksës 100 për qind mbi importet serbe!”, ka thënë Hoxhaj.
Gazeta serbe Novosti, ka shkruar se edhe para aplikimit të taksës doganore për hyrjen e mallrave nga Serbia në territorin e Kosovës, autoritetet e Prishtinës më 1 nëntor kanë marrë vendim që zyrtarëve më të lartë të Beogradit t’u ndalohet kalimin nëpër vendkalimet kufitare në mënyrë që të mos hyjnë në Kosovë. /Konica.al/
VAZHDO TË LEXOSH MË TEPËR PËR TEMËN
Zyrtarët serbë që do u ndalohet hyrja në Kosovë
‘Dialogu vazhdon nëse hiqet taksa për mallrat serbe’
“Turpi” i politikës
