Ligji për Amnisti është dorëzuar te kabineti i kryetarit të Maqedonisë, Gjorge Ivanov, ku pritet që ta nënshkruajë, theksojnë nga kabineti i Kryetarit të Kuvendit Talat Xhaferi. Sipas informacioneve Ligji do të nënshkruhet në afat të shkurtër kohor.
Që kur Ligji për Amnisti u votua në Kuvend me 95 vota për dhe asnjë kundër, pasi që të nënshkruhet nga kryetari i Maqedonisë do të duhet të shpallet në Gazetën Zyrtare, ku nga ai moment do të hyjë në fuqi.
Të akuzuarit për ngjarjet e 27 prillit, sipas Ligjit posedojnë afat kohor prej 5 ditësh që të dorëzojnë kërkesat për amnisti. Pas kërkesave të dorëzuara nga të akuzuarit në afat kohor prej pesë ditësh do të vendos Gjykata, gjegjësisht Këshilli gjyqësor i cili e udhëheq këtë lëndë në krye me kryetaren Dobrila Kacarska dhe në konsultim me Prokuroren Publike e cila e ka ngritur akuzën Vilma Ruskovska.
Deputetët nga Aleanca për Shqiptarët, Ziadin Sela dhe Syrija Rushidi nuk e mbështetën Ligjin për Amnisti. Sela para votimit deklaroi se nuk ka paqe me kriminelët dhe se është e turpshme që ata janë në sallë dhe votojnë. /Konica.al/
VAZHDO TË LEXOSH MË TEPËR PËR TEMËN
‘Nuk ka hapësirë për amnistimin e dhunës së 27 prillit’
Në Ligjin për Amnisti janë përfshirë edhe deputetët
‘Nuk do të ketë Ligj për Amnisti të përgjithshme’
