Një rekord botëror është hyer ditën e djeshme në atletikë. Etiopiani Samuel Tefera, 19 vjeç, ka vendosur ditën e diel, në mitingun e Birmingamit (Angli), rekordin e ri botëror në garën e 1500 metrave në sallat e mbyllura.
Tefera dha kohën 3’ 31” 04, duke përmirësuar me 14 të mijëtat rekordin e mëparshëm, 3’ 31” 18, që ishte vendosur në vitin 1997, nga marokeni El Guerrouj.
Rekordi i mëparshëm ishte vendosur në Stuttgart 22 vite më parë, por rezistoi më shumë se dy dekada. Gara e zhvilluar në Birmingam ishte e fortë dhe atletët ishin kompakt deri në 200 metra nga fundi, kur Tefera u shkëput dhe fitoi garën.
Kjo është hera e dytë që atleti nga Etiopia fiton në këtë turne, pasi edhe vjet triumfoi, por pa rekord. Ai ka premtuar se do ta thyejë sërish këtë rekord.
VAZHDO TË LEXOSH MË TEPËR PËR TEMËN
Atleti kampion bote humb jetën gjatë një aksidenti
I mjaftoi një shkop për të pushtuar botën
Luiza Gega e artë, Izmir Smajlaj i argjendtë
