Zëdhënësi i OKB-së, Rheal Leblanc ka thënë se 8 mijë persona janë zhvendosur nga luftimet në zonën përreth kryeqytetit të Libisë, Tripoli.
Leblanc raportoi edhe se shumë familje mbeten të bllokuara në zonat e prekura nga konflikti”.
Më shumë se 500,000 fëmijë konsiderohen të jenë në “kërcënim të menjëhershëm”.
Të paktën 47 vetë, duke përfshirë nëntë civilë, deri tani janë vrarë, deklaroi Organizata Botërore e Shëndetësisë (WHO) të martën.
Javën e kaluar, komandanti ushtarak, Khalifa Haftar, ka nisur një ofensivë për marrjen e kontrollit të Tripolit nga Qeveria e kryeministrit Fayez al-Serraj, e cila mbështetet nga OKB-ja. Kjo qeveri e unitetit e kontrollon kryeqytetin, por autoriteti i saj nuk njihet nga një administratë paralele në lindje të Libisë.
Gjenerali Haftar është aleat i qeverisë rivale në qytetin lindor Tobruk. Kryeministri Al-Serraj e akuzoi atë për përpjekje për grushtshtet dhe tha se ushtarët e tij rebelë do të përballen me forcën.
Organizata Botërore e Shëndetësisë tha se dhjetëra njerëz janë vrarë dhe mbi 300 janë plagosur në luftime.
OKB kishte planifikuar një konferencë tre-ditore më 14 prill në qytetin jugperëndimor të Ghadames për të diskutuar për zgjedhjet si një mjet për t’i dhënë fund krizës tetëvjeçare të vendit afrikano-verior. Por të martën, i dërguari i OKB-së për Libinë njoftoi shtyrjen e samitit.
“Ne nuk mund t’i kërkojmë njerëzve që të marrin pjesë në konferencë gjatë sulmit me armë zjarri dhe sulmeve ajrore”, tha Ghassan Salame duke u zotuar ta organizojë “sa më shpejt që të jetë e mundur”.
OKB, Shtetet e Bashkuara, Bashkimi Evropian dhe Blloku i G7 kanë apeluar për një armëpushim, porHaftar, i cili e konsideron veten si armik i “ekstremizmit”, zotuar të vazhdojë ofensivën e tij derisa Libia “pastrohet” nga “terrorizmi”.
Libia është shkatërruar nga dhuna dhe paqëndrueshmëria politike prejse sunduesi Muammar Gaddafi është rrëzuar nga pushteti dhe është vrarë në vitin 2011.
VAZHDO TË LEXOSH MË TEPËR PËR TEMËN
Libia-Vendi i mbetur pa shtet
Libia, “mollë sherri” mes Francës e Italisë…
ISIS nuk është mposhtur/ Luftë në ‘kështjellën’ e fundit
