Kryeministri Edi Rama shfrytëzoi konferencën për shtyp me Sekretarin e Përgjithshëm të NATO-s, Jens Stoltenberg, pak orë para protestës së opozitës për të nënvizuar se konflikti politik nuk i shërben vendit dhe as procesit integrues të Shqipërisë.
Me Sekretarin e Përgjithshëm, Rama tha se diskutoi mbi për aspektet e bashkëpunimit dhe kontributeve tona brenda NATO-s, por edhe për kontributin buxhetor të Shqipërisë për mbrojtjen.
“Vizita është një afirmim i vëmendjes dhe i kujdesit ndaj Shqipërisë dhe rajonit. Kemi diskutuar për aspektet e bashkëpunimit dhe kontributeve tona brenda NATO-s.
Kemi ndarë dhe përshtypjen se Forcat tona të Armatosura kudo ku kanë kontribuar kanë shfaqur aftësi të spikatura operacionale. Kemi diskutuar dhe për kontributin buxhetor për mbrojtjen. 
Dua ti përcjell edhe publikisht familjeve të dy dëshmorëve tanë në misionin tonë të NATO-s në Letoni shprehjen e ngushëllimeve nga ana e Sekretarit të Përgjithshëm.
Kemi diskutuar dhe për këtë moment politik që po kalon vendi jonë, qoftë në aspektin e marrjes së rekomandimit dhe konfliktit politik që nuk i shërben vendit.
I kam kërkuar ndjesë për motin jo tipikisht të Shqipërisë dhe Tiranës në këtë fazë të vitit por mbase duke ardhur në një ditë me re dhe shi është ndjerë si në shtëpinë e tij në Norvegji.”
Sekretari i përgjithshëm i NATO-s, Jens Stoltenberg ka dhënë mesazhin se dhuna politike bie ndesh me vlerat demokratike.
“Dhuna politike bie ndesh me vlerat tona demokratike.
Është e papranueshme prandaj u bëj thirrje aktorëve politike që të sillen me vetëpërmbajtje dhe të kërkojnë konsensus për të vazhduar rrugën tuaj të integrimit dhe për të zgjidhur cdo diferencë politike.
Për shkak se kjo kontribuon për një të ardhme më të mirë për Shqipërinë dhe rajonin.”
VAZHDO TË LEXOSH MË TEPËR PËR TEMËN
Angazhohet NATO, Stoltenberg zbarkon të dielën në Tiranë
A e mbështet NATO dialogun Kosovë-Serbi?
‘Nuk ka rrezikim të marrëdhënieve Kosovë-NATO’
