“Viti i Derrit” ka shkuar tmerrësisht shumë keq për partinë komuniste kineze dhe Presidentin e Kinës Xi Jinping.
Muajt e protestave në Hong-Kong dhe situate në Tajvan, janë ndjekur nga virusi vdekjeprurës.
Deri më tani, ka pak arsye për të shpresuar për “Vitin e Miut”, i cili filloi të shtunën.
Përhapja e pneumonisë virale, e cila është përhapur nga Kina kontinentale në Japoni, Makau, Korenë e Jugut, Hong-Kong, Tajvan dhe SHBA, mund të duket si fat i keq.
Por akuzat për paaftësi dhe mashtrime po kërcënojnë imazhin e partisë komuniste.
Zhou Xianwang, kryetari i komunës së Wuhan, një qytet me më shumë se 10 milion njerëz të prekur, i tha televizionit shtetëror të Kinës se “nuk kishte përgatitje të mjaftueshme”.
Qindra komentues në mediat sociale kineze kanë kritikuar kryetarin e bashkisë për përgjigjen e tij ndaj krizës.
Nga virusi tani ka patur disa viktima dhe ka infektuar më shumë se 600 në Kinë. Dy raste janë raportuar në Hong-Kong.
Të enjten, autoritetet kineze vendosën kufizime lidhur me udhëtimet në Wuhan, duke pezulluar lidhjet hekurudhore dhe ajrore jashtë qytetit.
Muajt e raportimit sistematik të epidemisë së SARS kanë dëmtuar rëndë reputacionin e Kinës, duke bërë që Organizata Botërore e Shëndetit të bëjë kritika të ashpra për Pekinin.
Ndërsa Komisioni Kombëtar i Shëndetit në Kinë konfirmoi rastet e para të transmetimit të sëmundjes
Përhapja është potencialisht e dëmshme për prestigjin e partisë komuniste sepse nuk mund të fajësohet askush tjetër, në kontrast me protestat e Hong-Kongut, që Pekini ua ka atribuar “forcave të huaja” që synojnë të destabilizojnë vendin dhe të shkaktojnë kaos.
Këtë herë do të jetë më e vështirë që qeveritarët t’i shmangen përgjegjësisë.
Përkthyer dhe përshtatur nga Financial Times/ konica.al
VAZHDO TË LEXOSH MË TEPËR PËR TEMËN
Rreziku/ Shqipëria merr masa për koronavirusin kinez
Koronavirus ‘prek’ industrinë e udhëtimit në Kinë
