26.02.2020 - 16:17
Receta për: 2 persona
Shumë e veçantë kjo recetë. E keni provuar më parë? Tani është koha ta bëni…
INGREDIENTËT
- 2 patate të ëmbla me madhësi mesatare
- 1 filxhan me qiqra (duhet t’i keni lënë një natë më parë në një tenxhere me ujë)
- 1 qepë e vogël e grirë imët
- 1 lugë gjelle vaj luledielli
- 2 thelpi hudhra
- Kripë, piper për shije
- 1 dorë spinaq (sa një gotë)
UDHËZIMET
- Parangrohni furrën në 200 gradë celsius.
- Merrni një tavë dhe vendosni poshtë një letër alumini.
- I lani mirë patatet dhe me ndihmën e një piruni i shponi sipër.
- I piqni patatet e ëmbla për 40-50 minuta.
- Ndërkohë në një tigan me pak vaj skuqni qepën me spinaqin e copëtuar. Shtoni kripë, piper dhe qiqrat. I përzieni dhe i lini në zjarr për gati 5 minuta.
- Nxirrni patatet nga furra, i prisni në mes dhe i mbushni me masën që përgatitët.
- Sipër mund t’i shtoni pak borzilok të freskët dhe koha për t’i shijuar erdhi!
