29.02.2020 - 09:00
Receta për: 4 persona
Dimri i ftohtë sapo dha sinjalet e para. Prandaj ngrohni shpirtin me një supë të tillë!
INGREDIENTËT
- 1 pulë
- 2 litër ujë
- 1 gjethe dafine
- 6-7 kokrra piper
- 1 degë rozmarinë
- 1 degë selino
- 1 karotë
- 1 qepë
- ½ presh
- 1 filxhan oriz
- lëkura dhe lëngu i 2 limonëve
- 2 të verdha veze
- Kripë, piper
UDHËZIMET
- Fillimisht ndajmë pulën nga kockat dhe mishin e presim në kubikë të vegjël.
- Kockat i vendosim të ziejnë në ujë të ftohtë me një gjethe dafine, kripë, piper kokërr, rozmarinë dhe selino.
- I lemë kockat të ziejnë në temperaturë të ulët për 30-40 minuta.
- Kullojmë lëngun dhe shtojmë në të mishin dhe perimet e prera, e lemë sa të marrë valë dhe më pas shtojmë dhe orizin.
- Vazhdojmë zierjen duke ulur temperaturën për 20-25 minuta.
- Rrahim të verdhat e vezëve, shtojmë lëkurën dhe lëngun e limonit dhe e rregullojmë me pak lëng nga supa.
- E hedhim masën e përgatitur në tenxhere, e lëmë 2-3 minuta në temperaturë të sobës dhe është gati për ta servirur me pak majdanoz të freskët.
