25.02.2020 - 15:17
Receta për: 4 persona
Të gjithë përbërësit i ke në kuzhinë, prandaj nuk ka justifikime. Çohu dhe nis nga puna për përgatitjen!
INGREDIENTËT
- 1/2 gotë uji me oriz
- 1.5 litër ujë
- 1 vezë
- 2 gota kos
- 1 lugë gjelle miell
- 2 lugë gjelle gjalpë
- pak nenexhik
- kripë
UDHËZIMET
- Pastroni orizin dhe vendoseni të ziejë në një tenxhere me ujë.
- Ndërkohë në një tas përzieni mirë vezën, kosin dhe miellin.
- Shtoni 1 garuzhde nga lëngu i orizit (i nxehtë).
- Pasi e keni përzierë mirë, ia shtoni tenxheres ku keni orizin.
- E lini supën të marrë një valë duke e përzierë herë pas here.
- Rregullojeni shijen e supës me kripë sipas dëshirës.
- Pas 10 minutave, në një tigan skuqni gjalpin me nenexhikun dhe ia shtoni supës.
- I përzieni mirë, e hiqni supën nga zjarri dhe e shërbeni të ngrohtë. Ju bëftë mirë!
