Përbërësit:
- 300 g miell
180 ml ujë i vakët
5 g maja
1 lugë sheqer
1 lugë kripë
½ lugë trumzë
50 g gjalpë
1 lugë fara finoku
1 lugë mjaltë
2 lugë vaj ulliri
2 lugë tahini
2 lugë fara susami
Përgatitja:
Tretim në ujin e vakët majanë me sheqerin dhe e lëmë masën të pushojë 10 minuta. Përziejmë miellin me kripën, farat e finokut, trumzën dhe shtojmë ujë. E punojmë me duar derisa të përftojmë një brumë të butë që nuk ngjit. E lyejmë me vaj ulliri, e vendosim në një tas, e mbulojmë me qese kuzhine dhe e lëmë të pushojë për 2-3 orë.
Pas kësaj kohe e hapim brumin në petë drejtkëndore. Ndërkohë, përziejmë mjaltin me tahinin dhe lyejmë gjithë sipërfaqen e petës.
E bëjmë role dhe e mbështjellim rreth vetes, duke e vendosur fundin e rolesë në pjesën poshtme të së gjithës, që mos të na hapet gjatë pjekjes. E lyejmë me gjalpin e tretur dhe farat e susamit, të cilat i kemi vendosur më parë 10 minuta në ujë. Në fund, e pjekim për 25 minuta në furrën e ngrohur më parë në 200 gradë celsius.
Ju bëftë mirë!
VAZHDO TË LEXOSH MË TEPËR PËR TEMËN
Biskota me qumësht, posaçërisht për fëmijët tuaj!
Bukë me kërpudha dhe domate të thara
Biskotat e shijshme të Shën Valentinit
