07.03.2020 - 08:45
Receta për: 4 persona
Kur shoh receta të tilla bindem edhe njëherë tjetër se një ndër kënaqësitë më të mëdha të jetës është të ngrënit mirë!
INGREDIENTËT
- 1 qepë e grirë imët
- 2 thelpi hudhra të grimcuara
- 1 lugë gjelle vaj ulliri
- 6-7 domate qershizë
- ½ filxhan me lëng pule
- Kripë, piper të freskët të zi dhe të kuq
- 1 lugë çaji sheqer
- 4 lugë gjelle gjalpë pa kripë
- Borzilok dhe majdanoz të freskët të grimcuar
- Për fileton e merlucit: 4 fileto të pastruara paraprakisht
- 1 limon
- Kripë, piper të zi të freskët
UDHËZIMET
- Në një tigan me vaj ulliri skuqni qepën dhe hudhrat. I përzieni për 5 minuta.
- I shtoni domatet e prera përgjysmë, lëngun e pulës, pak kripë, piper të zi, të kuq dhe sheqerin.
- I vendosni një kapak dhe i lini të marrin një valë për 15-17 minuta.
- E hiqni tiganin nga zjarri dhe i shtoni sipër gjalpin dhe erëzat e freskëta.
- I vini sërish kapakun dhe i lini ashtu.
- Ndërkohë parangrohni furrën në 200 gradë celsius.
- Merrni një tavë dhe e spërkasni me vaj ulliri. Vendosni filetot e merlucit dhe i spërkasni me kripë e piper.
- I shtrydhni sipër limonin, e mbuloni tavën me një letër alumini dhe e fusni në furrë për 12-18 minuta.
- Koha e pjekjes varet edhe nga trashësia e filetos, kështuqë kontrollojeni herë pas here.
- Kur koha të ketë kaluar, e nxirrni tavën jashtë dhe i shtoni sipër salcën që përgatitët më parë.
- E mbuloni sërish me letër alumini dhe e lini në temperaturë ambienti për disa minuta, para se ta shërbeni.
- Shërbejeni të ngrohtë duke i shtuar sipër erëzat tuaja të preferuara. Ju bëftë mirë!
