09.03.2020 - 17:47
Receta për: 4 persona
Erëzat, kryefjala e pjatave të shijshme!
INGREDIENTËT
- 4 fileto të holla pule
- Kripë, piper të zi
- 1 lugë gjelle miell misri
- 2 lugë gjelle vaj ulliri
- 1 lugë gjelle gjalpë
- 3 thelpi hudhra të grimcuara
- 1 gotë lëng pule
- 2 lugë gjelle lëng limoni
- 1 tufë majdanoz e grimcuar
UDHËZIMET
- Marinoni filetot e pulës me kripë dhe piper.
- I vendosni për t’i skuqur në një tigan me vaj ulliri për 3-4 minuta nga secila anë.
- Më pas i kaloni filetot në një pjatë ku keni vendosur më parë një letër kuzhine.
- Ndërkohë në të njëjtin tigan shtoni gjalpin, hudhrat dhe i përzieni për 30 sekonda.
- Shtoni lëngun e pulës, miellin e misrit dhe lëngun e limonit. E rrisni pak nxehtësinë dhe i lini për 3-4 minuta.
- Më pas shtoni filetot e pulës dhe i lini në zjarr derisa salca të trashet pak, për gati 15 minuta.
- I shtoni pak kripë e piper nëse është nevoja. Shërbejini të ngrohta me pak majdanoz dhe feta limoni sipër. Ju bëftë mirë!
