13.03.2020 - 15:17
Koha e përgatitjes: 10 minuta
Koha e gatimit: 15 minuta
Receta për: 4 persona
Tepër e veçantë kjo recetë dhe shumë e përshtatshme për t’u shoqëruar me një gotë verë!
INGREDIENTËT
4 salsiçe hot-dog
4 feta të holla djathë çedar (në temperaturën e dhomës)
125 gram miell (për të gjitha përdorimet)
140 gram miell misri
50 gram sheqer
4 lugë kafe pluhur pjekës
¼ lugë kafe kripë
Pak piper të zi
240 ml qumësht (gati 1 gotë)
1 vezë
Vaj luledielli për skuqje
Mustardë për servirje
UDHËZIMET
- Me fetat e djathit çedar mbështillni salsiçet.
- Fusni brenda salsiçeve disa shkopinj të gjatë dhe siç i keni i fusni në ngrirje për 20 minuta.
- Ndërkohë në një enë bashkoni miellin, miellin e misrit, sheqerin, pluhurin pjekës, kripën dhe pak piper.
- I përzieni me lugë. Tani shtoni qumështin, vezën dhe i përzieni të gjitha me një lugë druri.
- E kaloni masën në një gotë të madhe.
- Nxirrni salsiçet nga frigoriferi dhe i lyeni të gjitha me masën që shtuat në gotë.
- I vendosni për t’i skuqur në një tigan me vaj të nxehur. I rrotulloni para e mbrapa shkopinjtë për 2-3 minuta.
Më pas i hiqni dhe i servirni të ngrohta!
