26.03.2020 - 15:24
Receta për: 4 persona
Ideale për drekë për shkak të kalorive që ka.
INGREDIENTËT
- 300 gram salsiçe
- 50 gram kërpudha porçini
- 50 gram gjalpë
- 50 gram djathë parmigiano
- 400 gram oriz
- 1 qepë e vogël
- ½ gotë verë e bardhë
- Lëng perimesh
- 1 lugë çaji shafran
- majdanoz i freskët i copëtuar imët
UDHËZIMET
- Salsiçeve i heqim lëkurën dhe i presim në copa të vogla. Qepën e grijmë hollë dhe e skuqim në tenxhere me gjalpë.
- Shtojmë salsiçet dhe kur këto të jenë skuqur, i shuajmë me verë.
- Hedhim orizin, e skuqim për pak minuta dhe shtojmë kërpudhat.
- Shtojmë lëng të valuar sipas nevojës derisa orizi të jetë zier.
- 5 minuta para se orizi të jetë zier, hedhim shafranin e tretur me pak ujë.
- Kur orizi të jetë zierë, e përziejmë me gjalpin që na ka mbetur dhe djathin parmigiano.
- E shërbejmë me majdanoz të grirë të freskët. Rizoto është gati, ju bëftë mirë!
