13.03.2020 - 15:14
Receta për: 4 persona
Mos u stepni të blini sardele në treg sepse kjo recetë do t’i kthejë ato në të preferuarat tuaja. Provojeni dhe do ta besoni!
INGREDIENTËT
- 1 kg sardele
- 3-4 patate
- 1 kokërr qepë
- 1 spec gogozhare
- 1-2 thelpinj hudhër
- 2-3 domate pure
- 1-2 domate në feta
- 3-4 lugë gjelle vaj ulliri
- ½ filxhan verë
- 1 tufë nenexhik
- Kripë, piper
- rigon
UDHËZIMET
- Kaurdisim fillimisht qepën dhe hudhrën për 2-3 minuta. Më pas shtojmë specat dhe sapo të fillojnë të zbuten pak shtojmë kripën dhe domaten pure.
- Vazhdojmë kaurdisjen derisa salca të lidhet. Në fund shtojmë piper dhe rigon apo nenexhik sipas dëshirës.
- Në një tavë hedhim pak vaj dhe vendosim patatet të prera në feta rrumbullake.
- Mbi shtresën me patatet hedhim gjysmën e sasisë së salcës së përgatitur dhe e vendosim tavën në furrë për 20 minuta.
- Pas këtij minutazhi nxjerrim tavën nga furra dhe vendosim sardelet me rradhë në të gjithë sipërfaqen e tavës.
- Mbi sardele hedhim salcën e mbetur dhe lartë mbi salcë vendosim domatet të prera në feta rrumbullake.
- E spërkasim në fund me pak vaj ulliri, kripë, piper dhe rigon dhe e rivendosim tavën në furrë në temperaturën 200 gradë për 40 minuta.
