05.04.2020 - 12:35
Kjo ëmbëlsirë përgatitet më lehtë nga sa e keni menduar!
INGREDIENTËT
- 300 gram biskota me çokollatë
- 80 gram gjalpë i shkrirë
- 10 gram xhelatinë
- 250 krem djathi
- 250 gram maskarpone
- 100 gram sheqer pluhur
- 1 pako vanilje
- 300 gram pana
- 100 gram çokollatë
- 100 gram pana për ëmbëlsira
UDHËZIMET
- Në një enë të madhe të madhe shtoni biskotat e grira imët dhe gjalpin e shkrirë. Trazojini mirë.
- Vendosini si bazë në një formë rrumbullake specifike për cheesecake. Vendosini në frigorifer për të paktën 30 minuta.
- Ndërkohë në një enë tjetër zbusni xhelatinën në ujë të ftohtë. Më pas shkrijeni në 50 ml pana të nxehtë.
- Në një enë tjetër rrihni me një rrahëse elektrike kremin e djathit dhe maskarponen.
- Shtoni sheqerin pluhur, vaniljen, panën për ëmbëlsirë, 100 gram biskota të thërrmuara dhe xhelatinën që shkrirë në pana.
- Mbushjen që përgatitët e vendosni me kujdes tek forma e kekut. Nivelojeni mirë. Futeni përsëri në frigorifer.
- Në një enë shkrini çokollatën dhe panën për ëmbëlsira. I trazoni mirë. Ia shtoni sipër ëmbëlsirës dhe me ndihmën e një spatule përhapeni mirë.
- E fusni përsëri në frigorifer dhe pas dy orësh mund të shijoni (që forma e ëmbëlsirës të jetë forcuar disi). Ju bëftë mirë!
