03.04.2020 - 14:10
Receta për: 5 persona
Bukë me banane, karota, por edhe me një dorë rrush të thatë. Kaq e mirë për t’u ngrënë e tëraaa!
INGREDIENTËT
- 2 gota miell
- 2 banane të qëruara
- 1 gotë me karota të grira imët në rende
- 2 vezë të rrahura mirë
- ½ filxhan me qumësht
- ¼ filxhan me shurup panje
- ½ filxhan me rrush të thatë
- ½ filxhan çaji me arra të grira
- ½ filxhan me copëza çokollate
UDHËZIMET
- Parangrohni furrën në 220 gradë celsius.
- Në një tas të madh shtoni miellin. Ndërkohë në një enë tjetër bashkoni bananet e shtypura, karotat, vezët, qumështin, shurupin e panjes dhe i përzieni mirë derisa të krijoni një masë homogjene.
- Tani e shtoni tek mielli dhe e përzieni mirë të gjithën. Shtoni rrushin e thatë, copëzat e çokollatës dhe arrat.
- Merrni një formë specifike dhe shtroni në të masën që përgatitët dhe e niveloni mirë me ndihmën e një spatule.
- Në krye mund të t’i vendosni disa rripa bananeje.
- E fusni në furrë për 35-40 minuta ose derisa ta shikoni që buka është pjekur tërësisht.
- E lini pak të ftohet para se ta ndani në feta. Ju bëftë mirë!
