Një aeroplan turke u ul në tokën amerikane këtë javë menjëherë pasi SHBA arriti një milion rasteve të konfirmuara me koronavirus.
Brenda ishte një dërgesë e pajisjeve mjekësore mbrojtëse, përfshirë 500,000 maska kirurgjikale. Kutitë kishin flamuj turq dhe amerikanë dhe një citim nga Jalaluddin Rumi, poeti Persian i shekullit të 13-të që është varrosur në Turqinë e ditëve moderne. Aty shkruhej: “Pas mungesës së shpresës, ka kaq shumë shpresë dhe pas errësirës, dielli shndrin më shumë”.
Dorëzimi në bazën ajrore Andrews pak jashtë Washington DC, ishte më i fundit në një seri shpërndarjesh ndërkombëtare të furnizimeve mjekësore të urdhëruara nga Presidenti Rexhep Tajip Erdogan. Që nga fillimi i shpërthimit global të koronavirusit, Turqia ka dërguar ndihmë për 55 vende, përfshirë Mbretërinë e Bashkuar, Kinën, Pakistanin, Izraelin dhe Palestinën, si dhe disa kombe të Ballkanit dhe shteteve afrikane.
Nga njëra anë, ajo është pjesë e një narrative të krijuar me kujdes për një audiencë vendase, duke përcjellë idenë se Turqia ka trajtuar me kujdes krizën.
Nga ana tjetër, është gjithashtu një program i diplomacisë që synon të qetësojë tensionet ndërkombëtare dhe forcojë marrëdhëniet e jashtme, veçanërisht me perëndimin.
“Kjo vjen në një kohë kur prestigji ndërkombëtar i Turqisë është shumë i ulët dhe gjithashtu qëndrimi i publikut të ndryshëm në të gjithë botën ndaj Turqisë është gjithashtu shumë negativ,” tha Ozgur Unluhisarcikli, drejtor i zyrës së Ankarasë në Fondacionin gjerman Marshall. “Pra, kjo është një iniciativë e diplomacisë publike që synon të përmirësojë opinionin publik për Turqinë në mbarë botën.”
Marrëdhëniet e Ankarasë me Perëndimin, veçanërisht me aleatët e saj në NATO, kanë qenë në krizë në vitet e fundit.
Tani kërcënimi i pandemisë koronavirus për ekonominë e brishtë të Turqisë e ka lënë atë në nevojë për miq, veçanërisht ata që mund të ofrojnë mbështetje financiare.
Nga SHBA, Unluhisarcikli tha që Turqia mund të përfshijë kërkesën për vonesën e mëtutjeshme të çdo sanksioni të SHBA-së për blerjen e një sistemi rus të mbrojtjes ajrore dhe një linjë këmbimi dollarësh nga Rezerva Federale.
Në një letër drejtuar Donald Trump të martën, Erdogan theksoi nevojën për një “bashkëpunim të plotë” midis dy vendeve, veçanërisht për çështjet ekonomike.
Kufijtë e rreptë të eksportit tregtar të produkteve mjekësore kanë shkaktuar “dhimbje koke” për disa vende, përfshirë Britaninë e Madhe, Spanjën dhe Italinë.
Megjithatë, 55 dërgesat e ndihmës qeveritare janë pranuar me dashamirësi. Në Spanjë, Ilke Toygur, një analist në Institutin Royal Elcano në Madrid, tha se përgjigjja e Turqisë ndaj kërkesës së vendit për mbështetje ishte parë nga spanjollët si “një gjest i rëndësishëm”.
Audienca më e rëndësishme, janë vetë turqit, ku strategjia e qeverisë ka qenë që të forcojë në mënyrë të përsëritur mesazhin se Turqia reagoi më shpejt dhe në mënyrë më efektive sesa vendet e tjera,veçanërisht ato në perëndim.
Sistemi shëndetësor i Turqisë, deri më tani duket se ka ecur mirë gjatë krizës.
Ndërsa Turqia ka më shumë se 110,000 raste të konfirmuara, dhe shifra e tyre më pak se 3,000 është shumë më e ulët se shumë vende evropiane.
Identiteti kombëtar turk është formuar rreth dëshirës për të marrë respekt nga perëndimi,” tha aAyse Zarakol, një eksperte e marrëdhënieve ndërkombëtare në universitetin e Kembrixhit.
Tashmë ka disa shenja që kjo mund të ketë funksionuar. Një sondazh nga grupi i votimit Metropoll në fillim të prillit tregoi një rritje të vlerësimeve të miratimit të Erdogan.
Edhe pse imazhet e dërgesave të ndihmës turke kishin ngjallur krenarinë kombëtare dhe sistemi shëndetësor ka ecur mirë deri më tani, sfida më e madhe për qeverinë e Erdogan do të jenë pasojat ekonomike në muajt e ardhshëm.
Ky do të jetë treguesi i vërtetë i performancës pasi euforia për këtë të zhduket.
Përkthyer dhe përshtatur nga Financial Times/ Konica.al
VAZHDO TË LEXOSH MË TEPËR PËR TEMËN
Erdogan kishte folur për një pandemi një vit më parë…
Erdogan nuk njeh kufij, presion dhe shantazh edhe në kohë krize
Pse Erdogan gënjeu për koronavirusin?
