Bankat e nivelit të dytë kanë rënë dakord me qeverinë për t’u dhënë kredi pronarëve të bizneseve për të paguar pagat e bizneseve që kanë hasur vështirësi ekonomike si pasojë e COVID-19, pa asnjë rrezik pasi shteti del garant.
Një marrëveshje e tillë është arritur ditën e sotme në mbledhjen e zhvilluar online me guvernatorin e Bankës së Shqipërisë, Gent Sejko dhe përfaqësuesit e bankave të nivelit të dytë, e drejtuar nga kryeministri Edi Rama. Ndërkohë, kreu i shtetit ka njoftuar gjithashtu paketa financiare e prezantuar më herët për të përballuar pasojat ekonomike të COVID-19 do të zgjerohet në muajin prill.
“Me bankat për paketën financiare të luftës; Vënien menjëherë në lëvizje të instrumentit të garancisë sovrane për pagat e punonjësve që nuk shkojnë dot në punë; Zgjerimin e paketës gjatë muajit prill”, shkruan Rama.
Ndërkohë sot hyri në fuqi vendimi i Këshillit të Ministrave për pagesën e papunësisë të ardhur gjatë periudhës së fatkeqësisë natyrore si pasojë e koronavirusit.
Kjo është e vlefshme për të gjitha bizneset, të cilat për vitin 2019 kanë realizuar të ardhura deri në 14 milionë lekë dhe kanë ndërprerë aktivitetin në zbatim të Urdhrave të Ministrit së Shëndetësisë dhe Mbrojtjes Sociale (MSHMS), të dala për këtë qëllim, si dhe duhet të kenë përgjegjësi tatimore për tatimin e thjeshtuar mbi fitimin dhe tatimin mbi fitimin
VAZHDO TË LEXOSH MË TEPËR PËR TEMËN
“Kjo është luftë”, Rama: Do mbyllim disko, pube dhe palestra
“Të qëndrojmë larg sot për t’u përqafuar me shumë mall nesër”
“Në luftë me Koronavirusin”, Rama njofton masën e radhës
