Pasi mungoi dukshëm gjatë javëve të para të shpërthimit të Covid-19 të Rusisë, Vladimir Putin është rikthyer.
Megjithatë, duket se përgjegjësinë ua ka lënë të tjerëve. Ndërkohë, ekonomia po shkatërrohet për shkak të çmimeve të ulëta të naftës dhe epidemisë. Edhe kryeministri është sëmurë. Është e vërtetë që bizneset kudo kanë luftuar për të përballuar pandeminë. Moska, megjithatë, është duke luftuar tre beteja.
Së pari, si vendet e tjera, ajo po lufton me ndikimin e drejtpërdrejtë mjekësor dhe financiar të një virusi të përhapur me shpejtësi.
Së dyti, po merret me çmimet rekord të ulëta të naftës së papërpunuar, pas një rrëmuje shkatërruese me prodhuesin e Arabisë Saudite që përfundoi me një premtim të dhimbshëm për të shkurtuar prodhimin.
Më në fund, po merret edhe me votimin popullor për ndryshimet kushtetuese të dizajnuara për ta mbajtur Putinin në pushtet edhe në vitin 2024, kur mbaron mandati i tij.
Këto tre detyra do të tregojnë shumë edhe për një drejtues si Putini.
Ekonomia e Rusisë ka rënë në recesionin e saj më të thellë që nga fundi i Bashkimit Sovjetik. Sipas vlerësimeve të ekonomistit Sergei Guriev dhe të tjerëve, ekonomia mund të bjerë me 9% ose 10% këtë vit, shumë më keq sesa gjatë krizës financiare të vitit 2009.
Një studim nga Shkolla e Lartë e Ekonomisë e Rusisë zbuloi se në mars gati 60% e të moshuarve thanë se të ardhurat e tyre nuk kishin ndryshuar. Deri në prill, ishte një e pesta. Papunësia duket se do të rritet.
Përkundër një fondi prej 165 miliardë dollarësh, shteti ka shfaqur një mungesë të ndjeshmërisë për familjet dhe gjashtë milion bizneset e vogla të Rusisë.
Deri më tani, sipas Fondit Monetar Ndërkombëtar, paketa e shpëtimit financiar të shtetit arrin rreth 2.8% të produktit të saj të brendshëm bruto, dhe madje kjo përfshin shumë kredi dhe pagesa të shtyra.
Në mënyrë të konsiderueshme, performanca personale e Putinit nuk ka qenë më e mira.
Ai është distancuar më shumë se zakonisht nga një krizë që duket se nuk është në gjendje ta kuptojë. Ai ia delegoi përgjegjësinë kryetarit të Moskës, Sergei Sobyanin, në një kabinet të udhëhequr nga Kryeministri i sëmurë Mikhail Mishustin, dhe drejtuesve rajonalë.
Para shpërthimit, vlerësimet e Putinit ishin tashmë në pikën e tyre më të ulët që nga para aneksimit të Krimesë në vitin 2014, sipas anketuesit të pavarur Levada, dhe ato duket se janë përkeqësuar.
Me pak alternativa ndaj Putinit, rreziku i menjëhershëm për liderin është ndryshe. Por mund të ketë implikime për ambiciet e tij afatgjata.
Mungesa e Moskës ndjehet më ashpër se kurrë më parë.
Rezultati është një sistem politik që bëhet gjithnjë e më i brishtë. Kolapsi ekonomik do të dëmtojë edhe elitat.
Putini, si zakonisht, do t’i bëjë thirrje nacionalizmit për të shtrënguar kontrollin e tij. Por dëshira e tij për të mbajtur pushtetin pas vitit 2024 do të varet tani nga veprimet e tij.
Përkthyer dhe përshtatur nga Bloomberg/ Konica.al
VAZHDO TË LEXOSH MË TEPËR PËR TEMËN
A do ta bëjë koronavirusi Putinin, “mbretin e Lindjes”?
Kush rrezikon më shumë nga COVID-19 nga Kina tek Evropa e SHBA?
Erdogan nuk njeh kufij, presion dhe shantazh edhe në kohë krize
