Italia mund ta shkatërrojojë BE-në nëse vendos të largohet nga Bashkimi Europian, paralajmëroi presidenti i Unionit Kristian Social (CSU).
Kriza e koronavirusit ka dobësar BE-n dhe ka shtuar zhgënjimin në Itali për mënyrën se si u braktis nga partnerët e saj evropianë gjatë krizës së koronavirusit.
Dhe Ministri-Presidenti i Bavarisë, Markus Soeder, ka paralajmëruar se pa Mbretërinë e Bashkuar dhe Italinë, nuk do të ketë më një “Evropë të fortë”. Ai i tha gazetës gjermane Frankfurter Allgemeine Zeitung: “Ende nuk mund ta imagjinoj një Evropë të fortë pa Mbretërinë e Bashkuar, por pa Italinë, mbetet shumë pak nga ideja origjinale. Traktati i Romës ishte baza e BE-së. Italia është qendra kulturore dhe historike e Evropës.”
Ai vuri në dukje se si shpërthimi i COVID-vdekjeprurës ka “prekur dhe dëmtuar thellësisht Italinë”. Soeder tha: “Ajo që ndodh në Itali na prek të gjithë ne”.
“Kjo është një pikë kthese historike në Evropë. Ne nuk mund të dështojmë”, tha ai.
Ai tha se “ndikimi psikologjik” i ndihmës së vonë ose të dobët nga BE drejt Italisë gjatë pandemisë nuk duhet të nënvlerësohet pasi ekziston një “rrezik i një Brexit të dytë”. Soeder shtoi: “Evropa pa Italinë ose Spanjën nuk është më Evropa siç e njohim ne, kështu që BE nuk do të kishte më kuptim.”
Mendimet se Italia mund të largohet për shkak të pandemisë vazhdojnë të shtohen dita-ditës.
Kreu i Partisë Brexit, Nigel Farage gjithashtu beson se Italia do të jetë e radhës që do të largohet nga BE.
Ai tha: “Italia ka vuajtur në mënyrë të tmerrshme që kur u bashkua me monedhën e gabuar”.
Ai shtoi se problemet e Italisë tregojnë pse Britania duhet të përfundojë punën e largimit nga BE dhe të përfundojë periudhën e tranzicionit me kohë në 31 dhjetor.
BE po bën presion që Qeveria e Mbretërisë së Bashkuar të zgjasë tranzicionin, gjë që do të nënkuptojë se Britania e Madhe nuk do të jetë ende anëtare, por duhet të zbatojë rregullat e BE-së dhe të paguajë edhe më shumë para arkave të Brukselit.
Por shefi negociator i Britanisë David Frost dhe ministri i zyrës së kabinetit Michael Gove kanë insistuar se tranzicioni nuk do të zgjatet.
Përkthyer dhe përshtatur nga Express UK/ Konica.al
VAZHDO TË LEXOSH MË TEPËR PËR TEMËN
Italia mund të largohet nga BE…
Italexit? Si Holanda po e largon Italinë nga BE…
Shqetësimi më i madh për BE është Italia, jo Brexit…
