Kryeministri Edi Rama e nis këtë të hënë me një mesazh për Teatrin Kombëtar, një ditë pas shembjes së tij dhe tensioneve të forta të krijuara mes policisë dhe artistëve e opozitës.
Teksa publikon fotot e projektit të ri, Rama shkruan në “Facebook” se “Teatri i ri Kombëtar do të ketë nesër pëlqimin e të gjithëve, qoftë të të shumtëve që kërkojnë sot dhe qoftë të të paktëve që sot nuk shohin më larg se dje…”.
Mesazhi i Plotë:
MIRËMËNGJES me projekt-idenë e Teatrit të Ri Kombëtar, konceptuar nga arkitekti i famshëm danez Bjarke Ingels
Duke ju uruar një javë të mbarë, dua gjithashtu t’ju siguroj se Teatri i ri Kombëtar do të ketë nesër pëlqimin e të gjithëve, qoftë të të shumtëve që kërkojnë sot dhe qoftë të të paktëve që sot nuk shohin më larg se dje…
Përvoja na mësoi se ashtu si me vepra të tjera publike, të përbaltuara e masakruara pa nisur akoma puna, nga të njëjtët ngatërrestarë profesionistë, edhe për këtë projekt të vonuar me dhjetra e dhjetra vite, do të flasë vetë vepra e përfunduar, e cila do t’i japë komunitetit teatror skenën dinjitoze kombëtare që nuk e pati kurrë; publikut shqiptar Teatrin Kombëtar që nuk u ndërtua kurrë; Tiranës e Shqipërisë së gjeneratave të tjera, një tjetër destinacion kulturor të përmasave europiane në çdo aspekt.
VAZHDO TË LEXOSH MË TEPËR PËR TEMËN
Shembja e Teatrit Kombëtar është përcjellë edhe nga mediat e huaja
Protestë para Kuvendit/ Thirrje qytetarëve dhe opozitës
Teatri Kombëtar, spastrime si në kohën e komunizmit
