Rifillimi i futbollit në Europë pas ndërprerjes ka rezultuar me fat për disa skuadra. Vetëm dy ekipe kanë regjistruar vetëm fitore: Bayern Munchen dhe Real Madrid. Bavarezët kanë mbyllur punën me ndeshjet sa i përket kampionatit dhe Kupës, duke triumfuar në të dyja kompeticionet dhe tashmë presin sfidat e Champions.
Pas rikthimit, të besuarit e trajnerit Flick kanë arritur të fitojnë në 9 nga 9 ndeshjet që kishin mbetur në Bundesligë. Po të shtosh edhe dy ndeshjet e kupës, të cilat gjithashtu i fituan, atëherë Bayern Munchen shkon në 11 ndeshje radhazi me fitore që nga 17 maji deri më 4 korrik.
Në fakt, Bayern Munchen mori 17 fitore rresht në të gjitha kompeticionet që nga 16 shkurti e këtej. Ndërsa nuk u mund që nga 7 dhjetori i vitit të kaluar, me 25 fitore dhe vetëm 1 barazim. Një ecuri gati për rekord e bavarezëve, që tashmë kërkojnë “tripletën”.
Skuadra e dytë me ecurinë më të mirë pas ndërprerjes është Real Madrid me 9 nëntë fitore radhazi në La Liga. Kjo ecuri i ka mjaftuar madrilenëve të jenë katër pikë para Barcelonës në klasifikim, teksa para ndërprerjes ishin dy pikë pas.
Titulli është vetëm një fitore larg për Los Blancos, kur mbeten edhe 2 javë nga fundi i La Liga-s. Nëse i fitojnë të dyja ndeshjet, atëherë të besuarit e Zidane do të barazonin Bayern Munchen në ecurinë e tyre të mirë në periudhën post-karantinë.
Surpriza në listën e skuadrave që nuk janë mposhtur është Atalanta. Bergamaskët u ndalën vetëm në fund nga Juventus (2-2), duke regjistruar 6 fitore radhazi dhe 1 barazim. Shtatë ndeshje pa humbur. Po të shtosh edhe ndeshjet para izolimit, Atalanta nuk mposhtet prej 14 ndeshjesh, me 12 fitore dhe 2 barazime. Fantastike për Gjimshiti & Co.
Shtatë ndeshje pa humbur radhazi ka regjistruar edhe Manchester United në Angli duke nisur nga 19 qershori, me 5 fitore dhe 2 barazime (i fundit i mohoi vendin e tretë). Në fakt, United nuk mposhtet nga 22 janari i këtij viti, në 18 ndeshje radhazi, me 13 fitore dhe 5 barazime.
VAZHDO TË LEXOSH MË TEPËR PËR TEMËN
Shifrat që e bëjnë Ronaldon të fitojë “Topin e Artë”
Messi thyen rekordin e radhës në La Liga
Shorti i Champions, “përplasje titanësh” në çerekfinale
