Nga tenisi në futboll, por nuk i ndahet për asnjë moment sportit! Serena Williams ka fituar gjithçka në karrierën e saj të suksesshme dhe tashmë dëshiron që të provojë veten në një tjetër sport.
Legjenda amerikane e tenisit ka njoftuar përmes adresës së vajzës së saj, 2-vjeçare Olimpia në “Twitter”, se ka blerë aksionet e një skuadre futbolli femrash, i cili do të garojë në Ligën kryesore të grave në Amerikës.
Ekipi sapo ka nisur të marrë jetë dhe në mesin e aksionerëve është e gjithë familja e 38-vjeçares, duke nisur nga ajo te bashkëshorti dhe vajza e saj e vogël, Olimpia. Skuadra që pritet të jetë gati për në vitin 2022 momentalisht quhet Angel City, pasi ende nuk e ka një bazë zyrtare se ku do të ketë selinë, stadiumin apo dhe fushat ku do të stërvitet.
Hipoteza më e mundshme është që klubi ta ketë bazën në Los Angeles, ndërkohë që Williams shpreson që këtij projekti ambicioz, Olimpia t’i bashkohet edhe si futbolliste.
VAZHDO TË LEXOSH MË TEPËR PËR TEMËN
“Jam nënë, por mbeta duke bërë teste”
Serena Williams këndon nudo për bamirësi
Serena Williams, më shumë se një imazh në biznes
