Angela Merkel është “e keqja e historisë” në sagën e Brexit, pasi ka bllokuar koncesionet të cilat mund të kishin ndihmuar David Cameron të fitonte referendumin e vitit 2016, ka pohuar një ish-biograf i Boris Johnson.
Tom Bower pretendoi se “papajtueshmëria” e kancelarit gjerman e vendosi Cameron në një situatë të pamundur, ndhe ishte një faktor kryesor drejt vendimit të Britanisë për të lënë bllokun. Gjatë një interviste të sinqertë me revistën gjermane Spiegel, ai gjithashtu sugjeroi që Johnson nuk ishte në “formë”.
Duke iu referuar Brexit, Bower, libri i të cilit, ‘Boris Johnson: The Gambler’, u botua muajin e kaluar, tha: “Unë do t’ju tregoj diçka: ndjenja ime është se një njeri që ka prishur punë në të gjithë këtë dramë Brexit: është Angela Merkel ”
Cameron kishte triumfuar në zgjedhjet e përgjithshme të 2015 me një premtim për të rinegociuar anëtarësimin e Britanisë në BE dhe për të mbajtur një referendum më pas.
Bower shpjegoi: “Cameron kishte nevojë për një koncesion, veçanërisht për imigracionin, por ai nuk e mori atë. Nëse Merkel do të kishte përmbushur kërkesat e tij, Brexit nuk do të kishte ndodhur kurrë. Sipas mendimit tim, papajtueshmëria e saj është përgjegjëse për daljen nga Britania e Madhe.”
Bower gjithashtu shfrytëzoi rastin për të lavdëruar ato që ai i pa si arritjet e Johnson gjatë mandatit të tij tetë-vjeçar si Kryetar i Bashkisë së Londrës. Ai tha: “Në këto tetë vjet ai ka ndërtuar një numër rekord të shtëpive. Ai ishte i apasionuar pas edukimit të mirë, veçanërisht për fëmijët e klasës punëtore, në mënyrë që ata të kenë perspektiva më të mira në të ardhmen.”
Sidoqoftë, në një referencë të mundshme ndaj pandemisë, Bower tha se Kryeministri “nuk ishte në formën më të mirë”, duke shtuar: “Ai është i vetmuar, kjo e bën atë të pambrojtur “.
Duke iu referuar parullës tashmë famëkeqe të stampuar nëpër autobusin e fushatës së Vote Leave, Bower pranoi: “Pa dyshim, kjo ishte një gënjeshtër”.
Në fillim të kësaj jave, duke folur paraprakisht për përfundimin e periudhës së tranzicionit më 31 dhjetor, Merkel tha: “Ne kemi bërë të qartë se nuk kemi nevojë për një marrëveshje me çdo çmim. Ne duam një marrëveshje, por përndryshe do të marrim masat e nevojshme, në çdo rast, një marrëveshje është në interesin e të gjithëve.”
Përkthyer dhe përshtatur nga Express UK/ konica.al
VAZHDO TË LEXOSH MË TEPËR PËR TEMËN
“Çështja e kufirit irlandez nuk është prioriteti i Britanisë”
“Rreziku më i madh për Gjermaninë është Trump dhe Brexit”
A është aleatja e Merkel liderja që i duhet Evropës?
