“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: A është më e shëndetshme të flemë me çorape?
Mjeku:Njerëzit ndahen në dy grupe – ata që flenë me çorape dhe njerëzit që nuk i durojnë dot. Gjatë ditëve më të ftohta, shumica e njerëzve zgjedhin mënyra për t’u ngrohur, dhe njëra prej tyre është të flenë me çorape. Dikur besohej se kjo ishte e gabuar sepse ndërhyn në qarkullimin natyral të gjakut.
Megjithatë, hulumtimet e reja tregojnë të kundërtën. Ka shumë përfitime nëse mbani çorape teksa flini , të paktën kështu pohon eksperti i gjumit Mark DeCarlo. Çorapet mund t’i ndihmojnë njerëzit të flenë më shpejt dhe më gjatë për shkak të një procesi të quajtur vazodistalim distal.
Hulumtimet treguan se ndryshimet në temperaturën e lëkurës mund të ndikojnë në aftësinë për të fjetur. Veshja e çorapeve në shtrat rrit gjithashtu qarkullimin dhe rrjedhjen e gjakut në këmbë, gjë që ndihmon në uljen e temperaturës mesatare të trupit, duke i sinjalizuar trurit se është koha për të fjetur.
Studime të tjera e konfirmojnë më tej këtë. Një që përfshinte një numër të vogël personash tregoi se të rinjtë që mbanin çorape ranë në gjumë 7.5 minuta më shpejt, flinin 32 minuta më shumë dhe zgjoheshin 7.5 herë më rrallë se ata që nuk mbanin çorape.
“Temperaturat e ulëta të trupit janë të lidhura me përgjumjen dhe provat sugjerojnë se përdorimi i çorapeve ose metodave të tjera të ngrohjes së këmbëve mund të ulë temperaturën e trupit dhe të na ndihmojë të flemë më shpejt”, thonë ekspertët.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
4 këshilla për të mbrojtur lëkurën tuaj gjatë dimrit
